بٷگٸن مەجٸلٸستٸڭ جالپى وتىرىسىندا «قر-نىڭ كەيبٸر زاڭنامالىق اكتٸلەرٸنە ەكونوميكالىق ٶسۋدٸ قالپىنا كەلتٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى قازاقپارات.
اتالعان مەسەلە بويىنشا نەگٸزگٸ بايانداما جاساعان قر ۇلتتىق ەكونوميكا مينيسترٸ رۋسلان دەلەنوۆتٸڭ ايتۋىنشا, زاڭ جوباسى مەملەكەت باسشىسىنىڭ «جاڭا جاعدايداعى قازاقستان: ٸس-قيمىل كەزەڭٸ» اتتى قازاقستان حالقىنا جولداۋى جەنە تٶتەنشە جاعداي جٶنٸندەگٸ مەملەكەتتٸك كوميسسييا اياسىندا بەرٸلگەن تاپسىرمالارىن, سونداي-اق ەكونوميكالىق ٶسۋدٸ قالپىنا كەلتٸرۋ جٶنٸندەگٸ كەشەندٸ جوسپاردا كٶزدەلگەن شارالاردى ٸسكە اسىرۋعا باعىتتالعان. ۇسىنىلىپ وتىرعان تٷزەتۋلەر 81 زاڭنامالىق اكتٸگە, ونىڭ ٸشٸندە 14 كودەكس پەن 67 زاڭعا 9 باعىت بويىنشا ٶزگەرٸستەر مەن تولىقتىرۋلار ەنگٸزۋدٸ كٶزدەيدٸ.
«ينۆەستيتسييالار تارتۋ بويىنشا ينۆەستيتسييا تۋرالى كەلٸسٸم دەپ اتالاتىن جاڭا قۇرال ەنگٸزۋ ۇسىنىلادى. مەملەكەتتٸك-جەكەشەلٸك سەرٸكتەستٸك تەتٸكتەرٸن جەتٸلدٸرۋ جەنە رەسٸمدەرٸن وڭتايلاندىرۋ كٶزدەلەدٸ. كەسٸپكەرلٸكتٸ جەنە ناقتى سەكتوردى دامىتۋ بويىنشا بيزنەس سۋبەكتٸلەرٸنە قولايلى جاعداي جاساۋ ٷشٸن «بٸرىڭعاي تەرەزە» قاعيداتىمەن «بيزنەسكە ارنالعان ٷكٸمەت» ۆەب-پورتالىن جەنە بيزنەس ەرٸپتەستەردٸڭ تٸزٸلٸمٸن ەنگٸزۋ جٶنٸندەگٸ تيٸستٸ فۋنكتسييالاردى بەكٸتۋ ۇسىنىلادى», - دەدٸ ول.
مينيستردٸڭ اتاپ ٶتۋٸنشە, تاماق جەنە جەڭٸل ٶنەركەسٸپ سالالارىندا جاڭادان قۇرىلاتىن نىساندار ٷشٸن ينۆەستيتسييالار شەگٸن 2 ەسەگە دەيٸن تٶمەندەتۋ كٶزدەلٸپ وتىر.
«ساۋدا ساياساتى بويىنشا سەيكەستٸكتٸ باعالاۋ سالاسىنداعى اككرەديتتەۋ بويىنشا تٷزەتۋلەر ۇسىنىلادى. بۇل رەتتە اككرەديتتەۋ جٶنٸندەگٸ ورگانعا اككرەديتتەۋ سحەمالارىن, تٸزٸلٸمدەردٸ رەگلامەنتتەۋ جٶنٸندەگٸ قۇزىرەتتەر بەكٸتٸلەدٸ. IT سالاسىنداعى ەكسپورتتى دامىتۋ ماقساتىندا شىعىنداردىڭ بٸر بٶلٸگٸن ٶتەۋ ٷشٸن اقپاراتتىق-كوممۋنيكاتسييالىق تەحنولوگييالار سالاسىنداعى ٶنٸمدەر تٸزبەسٸن كەڭەيتۋ ۇسىنىلىپ وتىر», - دەدٸ رۋسلان دەلەنوۆ.
