كەلەشەكتە ماشينا جاساۋ سالاسىندا ەلەكتروموبيل بٶلشەكتەرٸن شىعارۋ ترەندكە اينالادى. قازاقستان ماشينا جاساۋشىلارىنىڭ VII فورۋمىندا ۇلتتىق ەكونوميكا ۆيتسە-مينيسترٸ جاسلان مەديەۆ وسىنداي بولجام ايتتى.
«جىل باسىنان بەرٸ قازاقستان بويىنشا ماشينا جاساۋ سالاسىندا 553 ملرد تەڭگەنٸڭ ٶنٸمٸ شىعارىلدى. بۇل ٶڭدەۋ سەكتورىنداعى ٶندٸرٸس كٶلەمٸنٸڭ 10,6 پايىزىنا تەڭ. سالاداعى ەكسپورت كٶلەمٸ اقشاعا شاققاندا 392 ملن دوللاردى قۇرادى. ٶسٸم 65,4 پايىزعا تەڭ. ال يمپورت كٶلەمٸ 5,7 ملرد دوللارعا جەتتٸ. ويلاناتىن جاعداي. ياعني, وسىنشاما يمپورتتى الماستىرۋعا بولادى دەگەن سٶز. بۇل – ٷلكەن ەلەۋەت. 7 ايدىڭ ٸشٸندە سالعا 6,3 ترلن تەڭگە ينۆەستيتسييا تارتىلعان.
ماشينا جاساۋ سالاسىنداعى دايىن تەحنيكا مەن ٶنٸم ۇسىنۋ نارىعىن دامىعان ەلدەر باياعىدا جاۋلاپ العان. بٸزدٸڭ كەسٸپورىندارعا ارالىق ٶنٸم ۇسىنۋعا بولادى. مىسالى, ەلەكتروموبيل بٶلشەكتەرٸن شىعارۋ قاجەت. ول ٷشٸن ينۆەستورلاردى ەلٸمٸزدە Gigafactory قۇرۋعا تارتۋعا بولادى. وعان قاجەت پايدالى قازبالار بٸزدە جەتكٸلٸكتٸ», - دەدٸ ۆيتسە-مينيستر.
فورۋم بارىسىندا ەلەكتروموبيل نارىعىنا قاجەت بٶلشەكتەر مەن قۇرىلعىلار شىعارۋ ماشينا جاساۋ سالاسىنداعى نەگٸزگٸ ترەندكە اينالاتىنى تۋرالى بولجامدار ايتىلدى. مەسەلەن, Tesla كومپانيياسى قازٸر اتالمىش ەلەكتروموبيلگە قاجەت باتارەيالاردى ازييادان الدىرۋعا مەجبٷر كٶرٸنەدٸ. جىلىنا 500 مىڭ ەلەكتروموبيل شىعارۋدى جوسپارلاپ وتىرعان الپاۋىت كومپانييا 2020 جىلى وسىنشا كٶلەمدە باتارەيا شىعاراتىن Gigafactory-دى ٸسكە قوسپاقشى.
