پرەزيدەنت دجو بايدەن امەريكالىقتاردى ۆاكتسينا سالدىرۋعا ٷندەپ, كوروناۆيرۋس نەگٸزٸنەن ەكپە الماعاندار اراسىندا تاراپ جاتىر دەپ مەلٸمدەدٸ.
"بٸزدە ٸندەت ۆاكتسينا الماعاندار اراسىندا تاراپ جاتىر. ەگەر سٸز ەكپە سالساڭىز, اۋرۋحاناعا تٷسپەيسٸز, رەانيماتسييادا جاتپايسىز, ٶلٸم تۇزاعىنان امان قالاسىز" دەدٸ بايدەن.
ساراپشىلاردىڭ پٸكٸرٸنشە, اقش-تا دەلتا ۆاريانتتىڭ جىلدام تاراۋى جەنە ەگۋگە ىقىلاسسىزدىق پەن ودان تۋىنداعان ۆاكتسينالاۋ ناۋقانىنىڭ كەشٸگۋٸ كوروناۆيرۋس جۇقتىرعانداردى كٶبەيتٸپ جٸبەرگەن. قازٸر كٷن سايىن ورتاشا ەسەپپەن 38 مىڭ ناۋقاس تٸركەلٸپ جاتىر. بۇل شٸلدەنٸڭ باسىنداعى جاعدايمەن سالىستىرعاندا ٷش ەسەگە كٶپ.
دەگەنمەن ەلدە ۆاكتسينالاۋ ناۋقانى باستالماي تۇرعان كەزەڭ ياعني, قاڭتارمەن سالىستىرعاندا بۇل ەلدەقايدا تٶمەن كٶرسەتكٸش. جىل باسىندا اقش-تا كٷنٸنە 250 مىڭنان استام ناۋقاس تٸركەلگەن بولاتىن.
اۋرۋدى باقىلاۋ جەنە الدىن الۋ ورتالىعىنىڭ (CDC) مەلٸمەتٸنشە, كوروناۆيرۋستان قايتىس بولعانداردىڭ 99 پايىزى جەنە اۋرۋحاناعا تٷسكەندەردٸڭ 97 پايىزى كوروناۆيرۋسقا قارسى ەكپە الماعان. CDC ەسەبٸنشە, ەلدە ۆاكتسينا تاپشى بولماسا دا, اقش حالقىنىڭ 49 پايىزى, ەرەسەكتەردٸڭ 60 پايىزى عانا ۆاكتسينانىڭ تولىق دوزالارىن العان.
