Prezident Djo Baiden amerikalyqtardy vaktsina saldyrýǵa úndep, koronavirýs negizinen ekpe almaǵandar arasynda tarap jatyr dep málimdedi.
"Bizde indet vaktsina almaǵandar arasynda tarap jatyr. Eger siz ekpe salsańyz, aýrýhanaǵa túspeisiz, reanimatsiiada jatpaisyz, ólim tuzaǵynan aman qalasyz" dedi Baiden.
Sarapshylardyń pikirinshe, AQSh-ta delta varianttyń jyldam taraýy jáne egýge yqylassyzdyq pen odan týyndaǵan vaktsinalaý naýqanynyń keshigýi koronavirýs juqtyrǵandardy kóbeitip jibergen. Qazir kún saiyn ortasha eseppen 38 myń naýqas tirkelip jatyr. Bul shildeniń basyndaǵy jaǵdaimen salystyrǵanda úsh esege kóp.
Degenmen elde vaktsinalaý naýqany bastalmai turǵan kezeń iaǵni, qańtarmen salystyrǵanda bul áldeqaida tómen kórsetkish. Jyl basynda AQSh-ta kúnine 250 myńnan astam naýqas tirkelgen bolatyn.
Aýrýdy baqylaý jáne aldyn alý ortalyǵynyń (CDC) málimetinshe, koronavirýstan qaitys bolǵandardyń 99 paiyzy jáne aýrýhanaǵa túskenderdiń 97 paiyzy koronavirýsqa qarsy ekpe almaǵan. CDC esebinshe, elde vaktsina tapshy bolmasa da, AQSh halqynyń 49 paiyzy, eresekterdiń 60 paiyzy ǵana vaktsinanyń tolyq dozalaryn alǵan.
