قر پرەمەر-مينيسترٸ اسقار ماميننٸڭ تٶراعالىعىمەن قازاقستان رەسپۋبليكاسى پرەزيدەنتٸنٸڭ جانىنداعى شەتەلدٸك ينۆەستورلار كەڭەسٸنٸڭ (شيك) ارالىق وتىرىسى ٶتتٸ, دەپ حابارلايدى "ۇلت اقپارات" primeminister.kz-كە سٸلتەمە جاساپ.
ينۆەستيتسييالىق ساياساتتى ٸسكە اسىرۋ, ەنەرگەتيكا, ەكولوگييا جەنە مۇناي-گاز سالاسى, ەڭبەك زاڭناماسى, ادام كاپيتالىن دامىتۋ جەنە شەتەلدٸك جۇمىس كٷشٸن تارتۋ مەسەلەلەرٸ جٶنٸندەگٸ شيك بٸرلەسكەن جۇمىس توپتارىنىڭ قىزمەتٸ تۋرالى «EY» كومپانيياسىنىڭ قازاقستان جەنە ورتالىق ازييا بويىنشا باسقارۋشى سەرٸكتەسٸ ە. دوسىمبەكوۆ, «ادجيپ كاسپيان سي بي ۆي» باسقارۋشى ديرەكتورى ن. اگگودجەري جەنە قازاقستانداعى «شەلل» كونتسەرنٸنٸڭ تٶراعاسى و. لازار باياندادى.
وتىرىستا شيك-تىڭ 32-شٸ جالپى وتىرىسىنىڭ حاتتامالىق تاپسىرمالارىنىڭ ٸسكە اسىرىلۋ بارىسى جەنە بيىل ٶتەتٸن «شيكٸزاتتىق ەمەس ەكسپورتتى دامىتۋ» تاقىرىبىنداعى كەڭەس وتىرىسىنا دايىندىق مەسەلەسٸ قارالدى. قر سىرتقى ٸستەر مينيسترٸ مۇحتار تٸلەۋبەردٸ, قر ساۋدا جەنە ينتەگراتسييا مينيسترٸ باقىت سۇلتانوۆ, شەتەل تاراپىنان بٸرلەسكەن وتىرىستاردى دايىنداۋ جٶنٸندەگٸ كەڭەستٸڭ جۇمىس توبىنىڭ تەڭ تٶراعاسى, «سيتيبانك قازاقستان» باسقارماسىنىڭ تٶراعاسى ا. كۋريلين بايانداما جاسادى.
پرەمەر-مينيستر ٷكٸمەت قابىلداپ جاتقان شارالار مەن ۇلتتىق ەكونوميكادا جيناقتالعان تۇراقتىلىق ەكونوميكانىڭ ناقتى سەكتورى ٶسٸمٸنٸڭ سەنٸمدٸ سەرپٸنٸن قامتاماسىز ەتۋگە, نەگٸزگٸ كاپيتالعا سالىنعان ينۆەستيتسييالار مەن قىزمەت كٶرسەتۋ سەكتورىنداعى ٸسكەرلٸك بەلسەندٸلٸكتٸ قالپىنا كەلتٸرۋگە جول اشقانىن اتاپ ٶتتٸ.
وسى جىلدىڭ 5 ايىندا تاۋ-كەن ٶندٸرۋ ٶنەركەسٸبٸندە كٶلەم 5,2%-عا, ٶڭدەۋ ٶنەركەسٸبٸندە 4,9%-عا ٶستٸ. سەۋٸر ايىمەن سالىستىرعاندا مامىردا ساۋدا 28,3%-عا, كٶلٸك سەكتورى – 20,7%-عا, نەگٸزگٸ كاپيتالعا سالىنعان ينۆەستيتسييالار كٶلەمٸ – 32%-عا ٶستٸ.
ٷكٸمەت باسشىسى ەزٸرلەنٸپ جاتقان 2025 جىلعا دەيٸنگٸ قر ستراتەگييالىق دامۋ جوسپارى بەسەكەگە قابٸلەتتٸ شيكٸزاتتىق ەمەس سەكتوردى دامىتۋعا, ساپالى ينۆەستيتسييالار مەن قوسىلعان قۇننىڭ ٶڭٸرلٸك جەنە جاھاندىق تٸزبەگٸنە قوسىلۋعا باسا نازار اۋدارا وتىرىپ, ەكونوميكانىڭ جاڭا قۇرىلىمىن قالىپتاستىرۋعا باعىتتالعانىن اتاپ ٶتتٸ.
«ينۆەستيتسييالار جاڭا جوسپاردىڭ ماڭىزدى ەلەمەنتتەرٸنٸڭ بٸرٸ رەتٸندە قاراستىرىلادى. بٸز ەكونوميكانىڭ ينۆەستيتسييالىق بەسەكەگە قابٸلەتتٸلٸگٸن, ينۆەستيتسييالىق زاڭنامانىڭ تۇراقتىلىعىن ارتتىرۋ, قازاقستاندىق بيزنەس پەن قر-داعى شەتەلدٸك ينۆەستورلاردىڭ ٸسكەرلٸك بەلسەندٸلٸگٸن ارتتىرۋ ٷشٸن قولايلى جاعداي جاساۋ بويىنشا شارالاردى ودان ەرٸ قابىلدايمىز», — دەدٸ ا. مامين.
كەڭەستٸڭ شەتەلدٸك مٷشەلەرٸنٸڭ تۇراقتى ٶكٸلدەرٸمەن قاتار, ٸس-شاراعا ٷكٸمەت مٷشەلەرٸ, ۇلتتىق بانك, باس پروكۋراتۋرا, «اتامەكەن» ۇكپ جەنە «بەيتەرەك» ۇبح» اق, «Qazindustry» قازاقستاندىق يندۋسترييا جەنە ەكسپورت ورتالىعى» اق, «Kazakh Export» ەسك» اق جەنە ت. ب. باسشىلارى قاتىستى.
