QR Premer-Ministri Asqar Maminniń tóraǵalyǵymen Qazaqstan Respýblikasy Prezidentiniń janyndaǵy Sheteldik investorlar keńesiniń (ShIK) aralyq otyrysy ótti, dep habarlaidy "Ult aqparat" primeminister.kz-ke silteme jasap.
Investitsiialyq saiasatty iske asyrý, energetika, ekologiia jáne munai-gaz salasy, eńbek zańnamasy, adam kapitalyn damytý jáne sheteldik jumys kúshin tartý máseleleri jónindegi ShIK birlesken jumys toptarynyń qyzmeti týraly «EY» kompaniiasynyń Qazaqstan jáne Ortalyq Aziia boiynsha basqarýshy seriktesi E. Dosymbekov, «Adjip Kaspian Si Bi Vi» basqarýshy direktory N. Aggodjeri jáne Qazaqstandaǵy «Shell» kontserniniń tóraǵasy O. Lazar baiandady.
Otyrysta ShIK-tyń 32-shi jalpy otyrysynyń hattamalyq tapsyrmalarynyń iske asyrylý barysy jáne biyl ótetin «Shikizattyq emes eksportty damytý» taqyrybyndaǵy keńes otyrysyna daiyndyq máselesi qaraldy. QR Syrtqy ister ministri Muhtar Tileýberdi, QR Saýda jáne integratsiia ministri Baqyt Sultanov, shetel tarapynan birlesken otyrystardy daiyndaý jónindegi Keńestiń jumys tobynyń teń tóraǵasy, «Sitibank Qazaqstan» basqarmasynyń tóraǵasy A. Kýrilin baiandama jasady.
Premer-Ministr Úkimet qabyldap jatqan sharalar men ulttyq ekonomikada jinaqtalǵan turaqtylyq ekonomikanyń naqty sektory ósiminiń senimdi serpinin qamtamasyz etýge, negizgi kapitalǵa salynǵan investitsiialar men qyzmet kórsetý sektoryndaǵy iskerlik belsendilikti qalpyna keltirýge jol ashqanyn atap ótti.
Osy jyldyń 5 aiynda taý-ken óndirý ónerkásibinde kólem 5,2%-ǵa, óńdeý ónerkásibinde 4,9%-ǵa ósti. Sáýir aiymen salystyrǵanda mamyrda saýda 28,3%-ǵa, kólik sektory – 20,7%-ǵa, negizgi kapitalǵa salynǵan investitsiialar kólemi – 32%-ǵa ósti.
Úkimet basshysy ázirlenip jatqan 2025 jylǵa deiingi QR Strategiialyq damý jospary básekege qabiletti shikizattyq emes sektordy damytýǵa, sapaly investitsiialar men qosylǵan qunnyń óńirlik jáne jahandyq tizbegine qosylýǵa basa nazar aýdara otyryp, ekonomikanyń jańa qurylymyn qalyptastyrýǵa baǵyttalǵanyn atap ótti.
«Investitsiialar jańa jospardyń mańyzdy elementteriniń biri retinde qarastyrylady. Biz ekonomikanyń investitsiialyq básekege qabilettiligin, investitsiialyq zańnamanyń turaqtylyǵyn arttyrý, Qazaqstandyq biznes pen QR-daǵy sheteldik investorlardyń iskerlik belsendiligin arttyrý úshin qolaily jaǵdai jasaý boiynsha sharalardy odan ári qabyldaimyz», — dedi A. Mamin.
Keńestiń sheteldik músheleriniń turaqty ókilderimen qatar, is-sharaǵa Úkimet músheleri, Ulttyq bank, Bas prokýratýra, «Atameken» UKP jáne «Báiterek» UBH» AQ, «Qazindustry» qazaqstandyq indýstriia jáne eksport ortalyǵy» AQ, «Kazakh Export» ESK» AQ jáne t. b. basshylary qatysty.
