ەل جاستارىن ورتاق مٷددەگە ۇيىستىرعان «جاس وتان» جاستار قاناتىنىڭ IV سەزٸ دە ٶز مەرەسٸنە جەتتٸ. بۇل جولى بٸز بۇرىنعى جٷيەدەن ارىلىپ, بٷگٸنگٸنٸڭ وزىق ٷلگٸسٸنە باسىمدىق بەردٸك. زاماناۋي ترەندتەر مەن تەحنولوگييالاردى كەڭٸنەن قولدانىپ, كرەاتيۆتٸ, جاڭا فورماتتا ٶتكٸزۋدٸ ۇيعاردىق. سول ارقىلى سەزدٸ ۇتقىر ويلار مەن ۇتىمدى پٸكٸرلەردٸڭ الاڭىنا اينالدىرۋدى كٶزدەدٸك. كٶپشٸلٸكتٸڭ پٸكٸرٸ مەن بەرگەن باعاسىن ەسكەرسەك, بۇل ويىمىز جٷزەگە اسقان سيياقتى.
بيىلعى سەزدە جاستارعا مەيلٸنشە ەركٸندٸك بەرٸلدٸ. ەسەسٸنە ولار قوعامداعى ٶزەكتٸ مەسەلەلەرگە قاتىستى ٶز كٶزقاراستارىن اشىق بٸلدٸرٸپ, ولاردى تيٸمدٸ شەشۋدٸڭ جولدارىن ۇسىندى. كٶپتەگەن تىڭ يدەيالار مەن يگٸ باستامالار ايتىلدى. شىنى كەرەك, جاستاردىڭ مۇنشالىقتى بەلسەندٸلٸگٸ مەنٸ ەرەكشە قۋانىشقا بٶلەدٸ.
مەن شىن مەنٸندە وتانىمىزدى ودان ەرٸ كٶركەيتۋ ٷشٸن ايانباي ەڭبەك ەتۋگە دايىن جاڭا, جاس, زامان تالاپتارىنا بەيٸمدەلگەن بۋىننىڭ ٶسٸپ كەلە جاتقانىن كٶردٸم.
سولاردىڭ اراسىنداعى تاعدىردىڭ قاتال سىنىنا تاپ بولسا دا ەش مويىماي, ٶمٸرگە دەگەن قۇشتارلىعىمەن ٶزگەلەرگە دەم بەرٸپ جٷرگەن پاراليمپيادا ويىندارىنىڭ جٷلدەگەرٸ سەرٸك ەسماتوۆ, نەبارى 17 جاسىندا IT تەحنولوگييا سالاسىندا بيٸك بەلەستەردٸ باعىندىرعان, بٸرنەشە يننوۆاتسييالىق جوبانىڭ اۆتورى يۆان كرەپاك, جاس تا بولسا اتا كەسٸپتٸ قولعا الىپ, مال شارۋاشىلىعىندا تاسىن ٶرگە دومالاتىپ وتىرعان كەسٸپكەر بايمىرزا ادامبەك سيياقتى بەلسەندٸ جاستارىمىز كەمەل كەلەشەكتٸڭ كەپٸلٸ. ەل ەرتەڭٸنە بەيجاي قارامايتىن وسىنداي جالىندى جاستاردىڭ جاسوتاندىق ەكەنٸ دە كٶڭٸلگە قۋانىش ۇيالاتادى.
بٸز بۇل سەزد ارقىلى ەلٸمٸزدەگٸ جاستار ساياساتىنا تىڭ سەرپٸن بەرٸپ, جاڭعىرۋدىڭ جاڭا دەڭگەيٸن ايقىندادىق دەپ ەسەپتەيمٸن. ەندٸگٸ كەزەكتە وسى باعىتتاعى جۇمىسىمىزدى جانداندىرىپ, بٸلٸم, عىلىم, يننوۆاتسييا ارقىلى جاڭا ەلەمگە ۇمتىلعان جاستارىمىزعا جان-جاقتى قولداۋ كٶرسەتۋٸمٸز كەرەك. بۇل رەتتە «نۇر وتان» پارتيياسى تاراپىنان سەزد بارىسىندا ۇسىنىلعان ەربٸر جوبا نازارعا الىنىپ, تيٸستٸ جۇمىستار جٷرگٸزٸلەتٸنٸن ايتقىم كەلەدٸ.
مەۋلەن ەشٸمباەۆتٸڭ فەيسبۋكتەگٸ جازباسىنان
