بٸز ەلٸ كٷنگە دەيٸن كەڭەستٸك زامانداعى 1942 جىلعى (سك-42) كوورديناتتار جٷيەسٸن قولدانىپ كەلەمٸز. سوندىقتان قازٸر زامانعا ساي مەملەكەتتٸك كوورديناتتار جٷيەسٸن جاساۋعا دەن قويىپ جاتىرمىز. بۇل ٷشٸن سپۋتنيكتٸك گەودەزييالىق جەلٸ بازاسىن سالىپ, جەلٸنٸ دەل ەسەپتەۋ جەنە تەڭەستٸرۋدٸ ٸسكە اسىرۋ قاجەت.
بۇل تۋرالى بٷگٸن ٶزٸنٸڭ Facebook پاراقشاسىندا قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين جازدى, دەپ حابارلايدى "ۇلت اقپارات".
«كٷللٸ ەلەم سپۋتنيكتٸك ەدٸسكە كٶشكەن. GPS پەن جاھاندىق ناۆيگاتسييالىق سپۋتنيكتٸك جٷيە (GNSS) عارىشتى شارلاپ جٷر, ال گەولوكاتسييانى سمارتفون ارقىلى جٸبەرۋ قالىپتى جاعدايعا اينالعان.
وسىنداي قارقىندى تەحنولوگييالىق دامۋدىڭ ارقاسىندا عالامات نەتيجەلەرگە قول جەتكٸزۋگە بولار ەدٸ. الايدا مۇنداي مٷمكٸندٸكتٸ 2گيس, Google كارت, ياندەكس تاكسي جەنە تاعى باسقا قاراپايىم سەرۆيستەر ارقىلى كٷندەلٸكتٸ كٷيبەڭ تٸرلٸكتە عانا قولدانىپ كەلەمٸز. وسىنداي قولدا بار ناۆيگاتسييا بويىنشا سالىنعان باعدارعا ساي 200 مەتر نەمەسە 212 مەتردەن كەيٸن بۇرىلدىڭىز با, مەيلٸ, ەڭ باستىسى دٸتتەگەن جەرٸڭٸزگە جەتسەڭٸز بولدى.
ال بٸز ٷشٸن قازٸرگٸ ماڭىزدى ماقسات - سك-42 سيياقتى كٶنە جٷيەنٸڭ ورنىنا دالا مەن قالا, ٶزەن-كٶل مەن ورمان كاداسترىنىڭ, گەولوگييا جەنە جەر قويناۋىن پايدالانۋ, تابيعات, قورعانىس, قاۋٸپسٸزدٸك سيياقتى جەنە تاعى باسقا دا تيٸستٸ سالالاردى, جەرٸمٸزدٸڭ ەربٸر سٷيەمٸ مەن ەلٸسٸ, ەر سانتيمەترٸن قامتيتىن مەملەكەتتٸك دەڭگەيدەگٸ ٶزٸمٸزدٸڭ سپۋتنيكتٸك كوورديناتتار جٷيەمٸزدٸ قۇرۋ.
جاڭا جٷيەگە اۋىسقان شاقتا فەرمەرلەردٸڭ جەر اۋماعى ۇلعايىپ نەمەسە ازايىپ, ٶزگەرۋٸ ىقتيمال. مىسالدار جەتٸپ ارتىلادى, ەسكٸ كوورديناتتار جٷيەسٸندەگٸ مەلٸمەتتەر دەل جەنە ناقتى بولماعاندىقتان, بٸر جولدىڭ بويىنداعى جەر تەلٸمدەرٸ دە سەيكەسپەي قالۋى مٷمكٸن.
مەملەكەتتٸك جٷيەدەگٸ شەكتەۋلەر مەن كەدەرگٸلەردٸڭ كەسٸرٸنەن گەولوگييا جەنە جەر قويناۋىن پايدالانۋ سالاسىنا شەتەلدٸك ينۆەستورلاردى تارتۋ قيىنداپ تۇر. مەملەكەتتٸك باسقارۋعا دا كەرٸ ەسەرٸن تيگٸزۋدە. مەسەلەن, سەۋلەت سالاسىنداعى «قىزىل جولاقتاردىڭ», تابيعات پايدالانۋداعى سانيتارلىق جەنە سۋ قورعاۋ بەلدەمدەرٸنٸڭ بۇزىلۋى.
قازٸرگٸ زاماندا كٶنە سك-42 جٷيەسٸن قولدانۋ دەگەنٸمٸز, مىسالى 2021 جىلى ٸرٸ كورپوراتسييانىڭ يەلٸگٸندە زاماناۋي تەحنيكالار مەن ينتەرنەت بولا تۇرا, ەلەكتروندىق پوشتا, پورتالدار, سمارتفون مەن گادجەتتەرٸن پايدالانباي, حات-حابارلارى مەن قۇجاتتارىن قاعاز جٷزٸندە جاياۋلاپ-جالپىلاپ دەستٷرلٸ پوشتا ارقىلى جولداعانمەن تەڭ. مۇنداي كورپوراتسييانىڭ جۇمىسى جەمٸستٸ بولۋشى ما ەدٸ?!
سك-42 تەحنولوگيياسى قۇرىلىس, سەۋلەت, گەولوگييا, كاداستر, كٶلٸك, ناۆيگاتسييا جەنە ت.س. تەحنيكالىق جەنە ينجەنەرلٸك باعىتتاردا كەڭٸنەن قولدانىلادى, سوندىقتان ونىڭ شىعىندارى دا ۇشان-تەڭٸز.
وسى سەبەپتٸ بۇل سالانى جاڭعىرتىپ, زامانعا ساي جەنە تيٸمدٸ قىلىپ, حالىققا كٶرسەتٸلٸپ جاتقان قىزمەتتەردٸڭ ساپاسىن ارتتىرۋ ٷشٸن گەودەزييا جەنە كەڭٸستٸكتٸك دەرەكتەردٸ تسيفرلاندىرۋ قارقىنىن كٷشەيتكەلٸ جاتىرمىز», - دەپ جازدى ول.
