الماتى قالاسىنىڭ ەكٸمٸ باقىتجان ساعىنتاەۆ «زەردەلٸ» ىقشاماۋدانىنداعى كٶپقاباتتى ٷيلەردٸڭ ٸرگەتاسىن نىعايتۋ بارىسىمەن تانىستى, دەپ حابارلايدى "ۇلت اقپارات".
قالا ەكٸمٸ Instagram پاراقشاسىندا «زەردەلٸ» ىقشاماۋدانىنىڭ تۇرعىندارىن تولعاندىرعان مەسەلە نازاردان تىس قالماعانىن جازدى.
«قازقسعزي ماماندارىنىڭ قورىتىندىسى بويىنشا 2020 جىلى 7 ٷيدٸڭ ٸرگەتاسى نىعايتىلدى. بيىل 10 ٷيدٸ نىعايتۋ جوسپارلانىپ وتىر. بارلىق جۇمىستى ونىڭ تەحنولوگيياسى, قۇرىلىس نورماسى مەن تالاپتارىن ساقتاي وتىرىپ جٷرگٸزۋدٸ تاپسىردىم. بۇدان كەيٸن 13 اۋلانىڭ قاسبەتٸ رەتكە كەلتٸرٸلٸپ, بالالارعا ارنالعان ويىن مەن سپورت الاڭدارى, ورىندىقتار مەن جارىق جٷيەسٸ ورناتىلادى», - دەپ جازدى ساعىنتاەۆ.
قالا ەكٸمٸنٸڭ سٶزٸنشە, تۇرعىنداردىڭ ٶتٸنٸشٸمەن اۋلا مەن ٷي ماڭىنداعى ايماقتى رەتكە كەلتٸرۋ مەسەلەسٸ شەشٸمٸن تاباتىن بولادى.
«زەردەلٸدە» تۇرعىن ٷيلەرگە جاناسىپ جاتقان 8 جەر تەلٸمٸ الىنادى.
«سونداي-اق «نۇركەنت» ىقشاماۋدانىندا № 43 پەن №72 ٷيدٸڭ اراسىنداعى جەر تەلٸمٸنە بيٸك ٷي تۇرعىزباق بولعان مەنشٸك يەسٸنەن بۇل جەر تەركٸلەندٸ. اتالعان جەردە بالاباقشا بوي كٶتەرەدٸ», - دەپ اتاپ ٶتتٸ ب. ساعىنتاەۆ.
ەكٸم جۇمىس ساپارى كەزٸندە الاتاۋ اۋدانىندا «نۇرلى جەر» باعدارلاماسى اياسىندا سالىنىپ جاتقان «الاتاۋ سيتي» تۇرعىن ٷي كەشەنٸندە بولدى.
سونداي-اق شاھار باسشىسى تٷركسٸب اۋدانىنداعى «قايرات» ىقشاماۋدانىندا ورنالاسقان تك قۇرىلىس الاڭدارىن ارالادى.
مۇندا 1,5 مىڭ وقۋشىعا ارنالعان مەكتەپ, 280 ورىندى بالاباقشا مەن 500 كەلۋشٸگە ارنالعان ەمحانا قۇرىلىسى قاراستىرىلعان.
كەشەندٸ قۇرىلىس جۇمىستارىنىڭ ارقاسىندا تۇرعىندار قاجەتتٸ ەلەۋمەتتٸك نىساندارمەن قامتاماسىز ەتٸلەدٸ.
بٸز بۇعان دەيٸن «زەردەلٸ» شاعىناۋدانىندا ورنالاسقان بارلىق كٶپقاباتتى 32 تۇرعىن ٷيگە تەكسەرۋ جٷرگٸزۋ ٷشٸن 312 ميلليون تەڭگە باعىتتالعانىن جازعان بولاتىنبىز.
ەسكە سالايىق, 2019 جىلى الاتاۋ اۋدانىنداعى «زەردەلٸ» شاعىن اۋدانىنىڭ تۇرعىندارى ٷيلەرٸنٸڭ قيسايعانىن ايتىپ, دابىل قاققان بولاتىن.
كەيٸن باقىتجان ساعىنتاەۆ قيسايعان ٷيدٸڭ تۇرعىندارىمەن كەزدەسٸپ, ەكٸمدٸك ولاردى كٶشٸرۋگە دايىن ەكەنٸن جەتكٸزدٸ.
