تٷركٸستان قالاسىندا ويىن الاڭشالارى سانى ارتىپ كەلەدٸ. ٶڭٸر باسشىسىنىڭ تاپسىرماسىمەن ينفراقۇرىلىمدى جاقسارتۋ جۇمىستارى جالعاسۋدا, دەپ حابارلايدى «ۇلت اقپارات» تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
شاھار باسشىسى نۇربول تۇراشبەكوۆ ورتالىقتاعى جۇمىستار بارىسىن باقىلاپ, «ياسسى» سەكتورىنىڭ ٸ.قوجاباەۆ كٶشەسٸندەگٸ جەنە «بٸرلٸك» سەكتورىنداعى بالالار ويىن الاڭشالارىن كٶرٸپ, جۇمىس ساپاسىن تەكسەردٸ.
قازٸرگٸ تاڭدا قالانىڭ بٸرنەشە اۋماعىندا بالالار ويىن الاڭشالارى مەن ستريت ۆوركاۋتتار, شاعىن ويىن الاڭشالارى سالىنۋدا. جىل باسىنان بەرٸ شاھاردا وننان استام بالالار ويىن الاڭشاسى پايدالانۋعا بەرٸلدٸ. جىل سوڭىنا دەيٸن بۇل كٶرسەتكٸشتٸ جيىرماعا جەتكٸزۋ كٶزدەلگەن. اتاپ ايتقاندا, «ياسسى» مٶلتەك اۋدانىنداعى ساق قورعان كٶشەسٸ, باياناۋىل مەكتەپ ورنى, كەرەي حان كٶشەسٸندە, «شاۋعار» مٶلتەك اۋدانىنداعى ع.مۇراتباەۆ مەكتەبٸ مەن ابىلاي حان كٶشەسٸندە جاساقتالۋدا. سونىمەن بٸرگە كەنتاۋ تاس جولى بويى مەن «بەكزات» سەكتورىندا دا بالالارعا ارنالعان ويىن الاڭشالارى سالىنىپ, تۇرعىندار يگٸلٸگٸنە بەرٸلەدٸ.
