Túrkistan qalasynda oiyn alańshalary sany artyp keledi. Óńir basshysynyń tapsyrmasymen infraqurylymdy jaqsartý jumystary jalǵasýda, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Shahar basshysy Nurbol Turashbekov ortalyqtaǵy jumystar barysyn baqylap, «Iassy» sektorynyń I.Qojabaev kóshesindegi jáne «Birlik» sektoryndaǵy balalar oiyn alańshalaryn kórip, jumys sapasyn tekserdi.
Qazirgi tańda qalanyń birneshe aýmaǵynda balalar oiyn alańshalary men strit vorkaýttar, shaǵyn oiyn alańshalary salynýda. Jyl basynan beri shaharda onnan astam balalar oiyn alańshasy paidalanýǵa berildi. Jyl sońyna deiin bul kórsetkishti jiyrmaǵa jetkizý kózdelgen. Atap aitqanda, «Iassy» móltek aýdanyndaǵy Saq qorǵan kóshesi, Baianaýyl mektep orny, Kerei han kóshesinde, «Shaýǵar» móltek aýdanyndaǵy Ǵ.Muratbaev mektebi men Abylai han kóshesinde jasaqtalýda. Sonymen birge Kentaý tas joly boiy men «Bekzat» sektorynda da balalarǵa arnalǵan oiyn alańshalary salynyp, turǵyndar igiligine beriledi.
