ساياساتكەر, قوعام قايراتكەرٸ ەرلان سايروۆ.2020 جىلى ەلٸمٸزدە ورىن العان ساياسي-قوعامدىق وقيعالارعا قاتىستى ٶز پٸكٸرٸن بٸلدٸردٸ, دەپ حابارلايدى قازاقپارات.
«2020 جىل قازاقستان ٷشٸن عانا ەمەس, بٷكٸل ەلەم ەلدەرٸ ٷشٸن قيىن بولدى. مەملەكەت باسشىسى حالىق ٷنٸنە قۇلاق اسۋ ارقىلى, مەملەكەتتٸك مەسەلەلەردٸ شەشۋگە باسا نازار اۋداردى. ەسٸرەسە بيىل ناۋرىز ايىنان باستاپ, پاندەمييا ەتەك العاندا بٷكٸل مەملەكەتتٸك رەسۋرستار حالىقتىڭ ەلەۋمەتتٸك جاعدايىنىڭ تۇراقتىلىعىن ساقتاپ قالۋعا جۇمسالدى. وسى ورايدا قازاقستاندى تۇراقسىز ەلەمدەگٸ, تۇراقتى مەملەكەت دەپ ايتۋعا ەبدەن نەگٸز بار», - دەدٸ ەرلان سايروۆ.
سونداي-اق, ول بيىل ەلٸمٸزدە ورىن العان بٸرنەشە ساياسي رەفورمالارعا توقتالىپ ٶتتٸ.
«بيىلعى ەرەكشەلٸك مەملەكەتتٸك ورگانداردىڭ حالىقتىڭ ٷنٸنە قۇلاق اسۋ قاعيداسىن ۇستانا بٸلۋٸ. سونىمەن قاتار, ەۋرازييالىق قاۋىمداستىققا كٸرەتٸن ەلدەردٸڭ تەۋەلسٸزدٸگٸن شەكتەيتٸن كەيبٸر فاكتورلار ەنگٸزٸلمەكشٸ بولدى. سول كەزدە قازاقستاننىڭ ەر ەل ٶز تەۋەلسٸزدٸگٸن ساقتاپ قالۋ تيٸس دەگەن قاعيدانى ۇستانۋى ماڭىزدى قادام بولدى. ودان بٶلەك, بٸرقاتار زاڭنامالار قابىلداندى. اتاپ ايتساق, بەيبٸت ميتينگ ٶتكٸزۋگە ارنالعان زاڭ جوباسى جەنە پارتييا جٶنٸندەگٸ زاڭعا 30 پايىزدىق كۆوتا ەنگٸزٸلدٸ, بۇل دا ساياسي رەفورما بولىپ ەسەپتەلەدٸ», - دەيدٸ ول.
ايتا كەتسەك, بٷگٸن ەلورداداعى ەۋرازييالىق ينتەگراتسييا ينستيتۋتىندا «تۇراقسىز ەلەمدەگٸ تۇراقتى مەملەكەت»: ق.ك. توقاەۆتىڭ 2020 جىلعى باستى جەتٸ ٸسٸ» اتتى باعدارلامانى تالقىلاۋعا ارنالعان ٸس-شارا ٶتتٸ. وعان ساياساتتانۋشىلار, قوعام قايراتكەرلەرٸ مەن عالىمدار قاتىستى.
