Saiasatker, qoǵam qairatkeri Erlan Sairov.2020 jyly elimizde oryn alǵan saiasi-qoǵamdyq oqiǵalarǵa qatysty óz pikirin bildirdi, dep habarlaidy QazAqparat.
«2020 jyl Qazaqstan úshin ǵana emes, búkil álem elderi úshin qiyn boldy. Memleket basshysy halyq únine qulaq asý arqyly, memlekettik máselelerdi sheshýge basa nazar aýdardy. Ásirese biyl naýryz aiynan bastap, pandemiia etek alǵanda búkil memlekettik resýrstar halyqtyń áleýmettik jaǵdaiynyń turaqtylyǵyn saqtap qalýǵa jumsaldy. Osy oraida Qazaqstandy turaqsyz álemdegi, turaqty memleket dep aitýǵa ábden negiz bar», - dedi Erlan Sairov.
Sondai-aq, ol biyl elimizde oryn alǵan birneshe saiasi reformalarǵa toqtalyp ótti.
«Biylǵy erekshelik memlekettik organdardyń halyqtyń únine qulaq asý qaǵidasyn ustana bilýi. Sonymen qatar, Eýraziialyq qaýymdastyqqa kiretin elderdiń táýelsizdigin shekteitin keibir faktorlar engizilmekshi boldy. Sol kezde Qazaqstannyń ár el óz táýelsizdigin saqtap qalý tiis degen qaǵidany ustanýy mańyzdy qadam boldy. Odan bólek, birqatar zańnamalar qabyldandy. Atap aitsaq, beibit miting ótkizýge arnalǵan zań jobasy jáne partiia jónindegi zańǵa 30 paiyzdyq kvota engizildi, bul da saiasi reforma bolyp esepteledi», - deidi ol.
Aita ketsek, búgin elordadaǵy Eýraziialyq integratsiia institýtynda «Turaqsyz álemdegi turaqty memleket»: Q.K. Toqaevtyń 2020 jylǵy basty jeti isi» atty baǵdarlamany talqylaýǵa arnalǵan is-shara ótti. Oǵan saiasattanýshylar, qoǵam qairatkerleri men ǵalymdar qatysty.
