بيىل كرەديت العان قازاقستاندىقتار سانى ٶستٸ

قازاقستاندا تۇتىنۋشىلىق كرەديت الۋشىلار سانى ٶسكەن. بۇل تۋرالى قازاقپارات قارجى نارىعىن رەتتەۋ جەنە دامىتۋ اگەنتتٸگٸنە سٸلتەمە جاساپ حابارلايدى.

«اعىمداعى جىلعى 8 ايدىڭ قورىتىندىسى بويىنشا تۇتىنۋشىلىق قارىزدار 2020 جىلمەن سالىستىرعاندا ەدەۋٸر جەدەلدەپ (2020 جىلى تۇتىنۋشىلىق قارىزدار 4,3%-عا ۇلعايدى), 5,4 ترلن تەڭگەگە دەيٸن 23,8%-عا نەمەسە ەكونوميكاعا كرەديتتەردٸڭ 33%-نا (جىل باسىندا 30%) ۇلعايدى. وسى كٶرسەتكٸشتٸڭ ٶسۋٸ اعىمداعى جىلى جٸٶ مەن حالىق تابىسىنىڭ نومينالدى ٶسٸمٸنەن ەدەۋٸر اسىپ تٷسەدٸ, بۇل تۇتىنۋشىلىق كرەديت بەرۋ نارىعىنداعى تەۋەكەلدەردٸڭ ارتۋىن راستايدى», - دەلٸنگەن اگەنتتٸك حابارلاماسىندا. 

اعىمداعى جىلدىڭ باسىنان باستاپ جاڭادان بەرٸلگەن تۇتىنۋشىلىق قارىزداردىڭ 88%-ىن 3 بانك: «Kaspi Bank» اق, «قازاقستان حالىق بانكٸ» اق, «سبەربانك» اق ەب قامتاماسىز ەتتٸ. 

ال مەملەكەتتٸك كرەديتتٸك بيۋرونىڭ دەرەكتەرٸ بويىنشا قارىز الۋشىلاردىڭ كٶپشٸلٸگٸندە, ياعني 72%-دا, كرەديتتەر بويىنشا بەرەشەگٸ بورىشىنىڭ ورتاشا سوماسى 1 ملن تەڭگەگە دەيٸن ورتاشا العاندا 339,2 مىڭ تەڭگە بولادى

تۇتىنۋشىلىق كرەديتتەر بويىنشا قارىز الۋشىلاردىڭ نەگٸزگٸ ٷلەسٸ ەلٸمٸزدٸڭ ٸرٸ قالالارى – الماتىدا (24,1%), نۇر-سۇلتاندا (9%), شىمكەنتتە (7%) شوعىرلانعان.