Qazaqstanda tutynýshylyq kredit alýshylar sany ósken. Bul týraly QazAqparat Qarjy naryǵyn retteý jáne damytý agenttigine silteme jasap habarlaidy.
«Aǵymdaǵy jylǵy 8 aidyń qorytyndysy boiynsha tutynýshylyq qaryzdar 2020 jylmen salystyrǵanda edáýir jedeldep (2020 jyly tutynýshylyq qaryzdar 4,3%-ǵa ulǵaidy), 5,4 trln teńgege deiin 23,8%-ǵa nemese ekonomikaǵa kreditterdiń 33%-na (jyl basynda 30%) ulǵaidy. Osy kórsetkishtiń ósýi aǵymdaǵy jyly JIÓ men halyq tabysynyń nominaldy ósiminen edáýir asyp túsedi, bul tutynýshylyq kredit berý naryǵyndaǵy táýekelderdiń artýyn rastaidy», - delingen agenttik habarlamasynda.
Aǵymdaǵy jyldyń basynan bastap jańadan berilgen tutynýshylyq qaryzdardyń 88%-yn 3 bank: «Kaspi Bank» AQ, «Qazaqstan Halyq Banki» AQ, «Sberbank» AQ EB qamtamasyz etti.
Al memlekettik kredittik biýronyń derekteri boiynsha qaryz alýshylardyń kópshiliginde, iaǵni 72%-da, kreditter boiynsha bereshegi boryshynyń ortasha somasy 1 mln teńgege deiin ortasha alǵanda 339,2 myń teńge bolady
Tutynýshylyq kreditter boiynsha qaryz alýshylardyń negizgi úlesi elimizdiń iri qalalary – Almatyda (24,1%), Nur-Sultanda (9%), Shymkentte (7%) shoǵyrlanǵan.
