قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەتتٸڭ سەلەكتورلىق وتىرىسىندا 2020-2025 جىلدارعا ارنالعان «نۇرلى جول» مەملەكەتتٸك باعدارلاماسىن جٷزەگە اسىرۋ مەسەلەلەرٸ قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
2020-2025 جىلدارعا ارنالعان «نۇرلى جول» مەملەكەتتٸك باعدارلاماسى اياسىندا رەسپۋبليكالىق ماڭىزى بار اۆتوجولداردىڭ 100%-ىن (21 مىڭ شاقىرىم جولدى سالۋ, رەكونسترۋكتسييالاۋ جەنە جٶندەۋ), وبلىستىق جەنە اۋداندىق ماڭىزى بار اۆتوجولداردىڭ 95%-ىن (27 مىڭ شاقىرىمىن جٶندەۋ) جاقسى جەنە قاناعاتتانارلىق جاعدايعا كەلتٸرۋ جوسپارلانعان. 112 ينفراقۇرىلىمدىق جوبا ٸسكە اسىرىلادى, 550 مىڭ تۇراقتى جەنە ۋاقىتشا جۇمىس ورنى قۇرىلادى.
پرەمەر-مينيستر بيىل جالپى ۇزىندىعى 4 مىڭ شاقىرىم بولاتىن رەسپۋبليكالىق اۆتوجولداردى سالۋ جەنە رەكونسترۋكتسييالاۋ جۇمىستارىنا 200 مىڭنان استام قازاقستاندىق تارتىلاتىنىن اتاپ ٶتتٸ. تالدىقورعان – ٶسكەمەن, قاراعاندى – بالقاش – قاپشاعاي, قالباتاۋ – مايقاپشاعاي, مەركە – بۋرىلبايتال, ٷشارال – دوستىق, اقتٶبە – استراحان, ۇزىناعاش – وتار, پەتروپاۆل – رەسەي شەكاراسى, قوستاناي – دەنيسوۆكا سيياقتى ۋچاسكەلەردە 2,6 مىڭ شاقىرىم جولدا قوزعالىس اشىلادى.
«بيىل پايدالانۋعا بەرٸلەتٸن رەسپۋبليكالىق ماڭىزداعى جولدار كٶلەمٸ ٶتكەن جىلعى كٶرسەتكٸشپەن سالىستىرعاندا 4 ەسە ارتىق. جەرگٸلٸكتٸ ماڭىزى بار جولدار بويىنشا بيىل 3,5 مىڭ شاقىرىم جول جٶندەۋدەن ٶتكٸزٸلەدٸ. قازاقستان تاريحىندا بۇرىن-سوڭدى مۇنداي اۋقىمدا جۇمىس جٷرگٸزٸلگەن جوق, سوندىقتان بٸزدٸڭ مٸندەتٸمٸز – ولاردى تولىعىمەن ورىنداۋ. بارلىق كٷشتٸ جۇمىلدىرۋ قاجەت», - دەدٸ ا. مامين.
ٷكٸمەت باسشىسى يندۋسترييا جەنە ينفراقۇرىلىمدىق دامۋ مينيسترلٸگٸنە ەكٸمدٸكتەرمەن جەنە «قازاۆتوجول» ۇك» اق-مەن بٸرلەسٸپ, وسى جىلى جوسپارلانعان كٶلەمنٸڭ ۋاقىتىلى پايدالانۋعا بەرٸلۋٸن قامتاماسىز ەتۋدٸ, رەكونسترۋكتسييالانعان 5,7 مىڭ شاقىرىم ۋچاسكەلەردە (قاپشاعاي – تالدىقورعان, قىزىلوردا – شىمكەنت – تاراز, نۇر-سۇلتان – پاۆلودار جەنە ت. ب.) اۆتوموبيل جولدارىندا تٶلەم جٷيەسٸن ەنگٸزۋ جۇمىسىن اياقتاۋدى تاپسىردى.
«قۇرىلىس ماۋسىمىن مٷمكٸندٸگٸنشە تيٸمدٸ پايدالانۋ قاجەت. جەكەلەگەن ەلدٸ مەكەندەردە كارانتين رەجيمٸنە بايلانىستى ەنگٸزٸلگەن شەكتەۋلەر جاعدايىندا نىساندارعا جانار-جاعارماي, جول-قۇرىلىس ماتەريالدارى مەن تەحنيكاسىن ەش كەدەرگٸسٸز جەتكٸزۋ ٷشٸن “جاسىل دەلٸز” جۇمىسىن قامتاماسىز ەتۋ قاجەت», — دەپ ا. مامين, وتاندىق قۇرىلىس يندۋستريياسىنىڭ قولدا بار مٷمكٸندٸكتەرٸن بارىنشا پايدالانۋدى تاپسىردى.
پرەمەر-مينيستر ەلٸمٸزدٸڭ ترانزيتتٸك ەلەۋەتٸن بارىنشا پايدالانۋدىڭ جەنە ونىڭ ارتۋىنا بارلىق كٶلٸك تٷرلەرٸنٸڭ (اۆتو- جەنە تەمٸر جول كٶلٸگٸمەن كونتەينەرلەردٸ تاسىمالداۋ, ەۋە جٷك تاسىمالدارى), سونداي-اق بارلىق نەگٸزگٸ وپەراتورلاردىڭ - قتج, قازاۆتوجول, قازاەروناۆيگاتسييانىڭ ىقپال ەتۋٸنٸڭ ماڭىزدىلىعىن اتاپ ٶتتٸ.
«يندۋسترييا جەنە ينفراقۇرىلىمدىق دامۋ مينيسترلٸگٸنە ترانزيتتٸك اعىمدى قولداۋ جەنە ىنتالاندىرۋ ٷشٸن قاجەتتٸ شارالاردى قولعا الۋدى تاپسىرامىن», — دەدٸ ا. مامين.
ٷكٸمەت باسشىسى بيىل مەملەكەتتٸك باعدارلامادا قاراستىرىلعان شىمكەنت ەۋەجايىنىڭ جولاۋشىلار تەرمينالىنىڭ جەنە تٷركٸستانداعى حالىقارالىق ەۋەجايدىڭ قۇرىلىسىن اياقتاۋدى, سونداي-اق ٶسكەمەن, ٷشارال جەنە ٷرجار ەۋەجايلارىن رەكونسترۋكتسييالاۋ جۇمىسىن باستاۋدى تاپسىردى.
«تەمٸر جول كٶلٸگٸ سالاسىندا ۆاگون پاركٸن جاڭارتۋ جەنە ماگيسترالدىق تەمٸر جول جەلٸسٸنٸڭ توزۋىن تٶمەندەتۋ بويىنشا, سونداي-اق سۋ كٶلٸگٸ سالاسىندا كەمە قاتىناسى شليۋزدەرٸنە كٷردەلٸ جٶندەۋ جٷرگٸزۋ بويىنشا جاڭعىرتۋ جۇمىستارىن جالعاستىرۋ قاجەت», — دەدٸ ا. مامين.
ٷكٸمەت باسشىسى بيىل «نۇرلى جول» اياسىندا ٸسكە اسىرۋ جوسپارلانعان بارلىق ٸس-شارالار بەلگٸلەنگەن مەرزٸمدە اياقتالۋى تيٸس ەكەنٸن ايتتى.
ايتا كەتەيٸك, جيىندا يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ, شىعىس قازاقستان وبلىسىنىڭ ەكٸمٸ دانيال احمەتوۆ, قاراعاندى وبلىسىنىڭ ەكٸمٸ جەڭٸس قاسىمبەك, اتىراۋ وبلىسىنىڭ ەكٸمٸ ماحامبەت دوسمۇحامبەتوۆ جەنە ت.ب. بايانداما جاسادى.
