بيىل 225 قانداسىمىز جەڭٸلدەتٸلگەن تەرتٸپپەن قازاقستان ازاماتتىعىن الدى. بۇل تۋرالى نۇر-سۇلتان قالالىق پوليتسييا دەپارتامەنتٸ كٶشٸ-قون قىزمەتٸ باسقارماسىنىڭ باستىعى ارمان بايمۇحامبەت ايتتى, دەپ حابارلايدى قازاقپارات.
«جىل باسىنان بەرٸ قانداستارعا ازاماتتىق بەرۋ مەرزٸمٸ 2 ەسەگە, 6 ايدان 3 ايعا دەيٸن قىسقارتىلدى. شامامەن 225 قانداسىمىز جەڭٸلدەتٸلگەن تەرتٸپپەن ازاماتتىعىن رەسٸمدەدٸ. رەتتەلمەيتٸن قۇقىقتىق مەرتەبەمەن انىقتالعان 45 تۇلعا قازاقستان ازاماتى دەپ تانىلىپ, قۇجاتتارىن الدى», - دەدٸ ارمان بايمۇحامبەت.
سونىمەن قاتار ول ەلٸمٸزدە تٶلقۇجات پەن جەكە كۋەلٸك رەسٸمدەۋ مەرزٸمٸ وڭتايلاندىرىلعانىن اتاپ ٶتتٸ.
«جەكە باستى كۋەلاندىراتىن قۇجاتتاردى رەسٸمدەۋ تەتٸكتەرٸ دە جەتٸلدٸرٸلٸپ جاتىر. وسى جىلدىڭ 9 ايىنىڭ ٸشٸندە 143 مىڭ تٶلقۇجات پەن جەكە كۋەلٸك رەسٸمدەلٸپ, بەرٸلدٸ», - دەدٸ باسقارما باسشىسى.
