Biyl 225 qandasymyz jeńildetilgen tártippen Qazaqstan azamattyǵyn aldy. Bul týraly Nur-Sultan qalalyq politsiia departamenti Kóshi-qon qyzmeti basqarmasynyń bastyǵy Arman Baimuhambet aitty, dep habarlaidy QazAqparat.
«Jyl basynan beri qandastarǵa azamattyq berý merzimi 2 esege, 6 aidan 3 aiǵa deiin qysqartyldy. Shamamen 225 qandasymyz jeńildetilgen tártippen azamattyǵyn rásimdedi. Rettelmeitin quqyqtyq mártebemen anyqtalǵan 45 tulǵa Qazaqstan azamaty dep tanylyp, qujattaryn aldy», - dedi Arman Baimuhambet.
Sonymen qatar ol elimizde tólqujat pen jeke kýálik rásimdeý merzimi ońtailandyrylǵanyn atap ótti.
«Jeke basty kýálandyratyn qujattardy rásimdeý tetikteri de jetildirilip jatyr. Osy jyldyń 9 aiynyń ishinde 143 myń tólqujat pen jeke kýálik rásimdelip, berildi», - dedi basqarma basshysy.
