بيىل كٷزەتشٸلەرگە, بۋحگالتەرلەرگە, ساتۋشىلارعا جەنە جٷرگٸزۋشٸلەرگە سۇرانىس ساقتالادى, دەپ حابارلايدى قازاقپارات.
«ەڭبەك رەسۋرستارىن دامىتۋ ورتالىعى» اق بولجامداۋ دەپارتامەنتٸنٸڭ دەرەكتەرٸ بويىنشا قازاقستاندا وسى جىلى جالدامالى جۇمىسكەرلەردٸڭ سانى 6,8-6,9 ملن ادامدى قۇرايدى. جالدامالى جۇمىسكەرلەرگە سۇرانىس 188,6 مىڭ ادام بولادى. ونىڭ جارتىسى جۇمىستان شىعاتىن جالدامالى جۇمىسكەرلەردٸ الماستىرۋ سۇرانىسىنا ساي كەلەدٸ. سونىمەن قاتار, كٷزەتشٸلەر, بۋحگالتەرلەر, ساتۋشىلار مەن جٷرگٸزۋشٸلەر ەڭبەك نارىعىندا ەڭ تانىمال بولىپ, جاپپاي سۇرانىستا قالا بەرەدٸ.
«ٶڭٸرلەر بويىنشا نەعۇرلىم ەلەۋلٸ جيىنتىق سۇرانىس جۇمىستان شىعاتىن جالدامالى جۇمىسكەرلەردٸ الماستىرۋ بويىنشا سۇرانىستى ەسكەرگەندە الماتى قالاسىندا, سونداي-اق الماتى جەنە جامبىل وبلىستارىندا ورىن الادى. ال سالالار بويىنشا بٸلٸم بەرۋ, اۋىل شارۋاشىلىعى جەنە ساۋدا باعىتتارىنىڭ قىزمەتكەرلەرٸ كٶبٸرەك تالاپ ەتٸلەدٸ», – دەدٸ ەردو بولجامداۋ دەپارتامەنتٸنٸڭ ديرەكتورى دميتريي شۋمەكوۆ.
ساراپشىنىڭ ايتۋىنشا, ەيەلدەردٸڭ زەينەتكەرلٸك جاسىن ارتتىرۋدى ەسكەرە وتىرىپ, جالپى ەڭبەككە قابٸلەتتٸ جاستاعى حالىق سانى بيىل 11,4 ملن ادامعا(2021 جىلعى دەڭگەيمەن سالىستىرعاندا 98 مىڭعا ٶسەدٸ) جەتەدٸ.
«بيىل جۇمىس كٷشٸنٸڭ سانى 9,2-9,3 ملن ادامدى قۇرايدى. ياعني جالپى ٶتكەن جىلدىڭ دەڭگەيٸندە ساقتالادى. الايدا, بٸزدٸڭ بولجامىمىزشا, ەلٸمٸزدٸڭ ٷش ٸرٸ قالاسىندا ەكونوميكالىق بەلسەندٸ حالىقتىڭ جيىنتىق سانى وسى قالالارداعى جاستار ٷلەسٸنٸڭ ارتۋى سالدارىنان جەنە كٶشٸ-قون سەبەپتەرٸ بويىنشا 54 مىڭ ادامعا ٶسەدٸ», – دەدٸ ول.
سونداي-اق, بولجامدارعا سەيكەس, جۇمىسسىزدار سانى 461-465 مىڭ ادام دەڭگەيٸندە بولادى. ال جۇمىسسىزدىق دەڭگەيٸ 5 پايىزدان اسپايدى.
بٸلٸم بەرۋ جٷيەسٸ تاراپىنان ورتا مەكتەپتٸ شامامەن 261 مىڭ ادام بٸتٸرەدٸ نەمەسە تاستاپ كەتۋٸ مٷمكٸن دەپ كٷتٸلۋدە. ونىڭ ٸشٸندە 109 مىڭ ادام – 9 سىنىپتان كەيٸن, ال 152 مىڭ ادام 11 (12) سىنىپتان كەيٸن شىعىپ كەتۋٸ ىقتيمال. كوللەدجدەرگە وسى ساننان 131 مىڭعا جۋىق ادام, جوعارى وقۋ ورىندارىنا 103 مىڭ ادام بارادى. قالعان بۇرىنعى وقۋشىلار قاتارىنان ازاماتتار قازاقستاننان تىس جەرلەرگە (~10 مىڭ ادام) نەمەسە ەڭبەك نارىعىنا شىعادى (~17 مىڭ ادام).
وسى جىلى تجكب-نى شامامەن 145 مىڭ ادام تابىستى اياقتايدى دەپ كٷتٸلۋدە, ونىڭ ٸشٸندە 90 مىڭى – نەگٸزگٸ ورتا بٸلٸم بازاسىندا جەنە 49 مىڭى – جالپى ورتا بٸلٸم بازاسىندا, ونىڭ ٸشٸندە شامامەن 16,4 مىڭ ادام جوعارى بٸلٸم بەرۋ ۇيىمدارىندا وقۋىن جالعاستىرادى. بۇدان باسقا, جوعارى وقۋ ورىندارىنان جوعارى بٸلٸمٸ بار 163,5 مىڭ ادام جەنە جوعارى وقۋ ورنىنان كەيٸنگٸ بٸلٸمٸ بار 20 مىڭعا جۋىق ادام شىعارىلاتىن بولادى.
جالپى العاندا, بٸلٸم بەرۋ دەڭگەيلەرٸ اراسىنداعى كٷردەلٸ اۋىسۋلاردى ەسكەرە وتىرىپ, ەڭبەك نارىعىنا شامامەن 295 مىڭ جۇمىسكەر شىعادى دەپ كٷتٸلۋدە. بازالىق ستسەناريي كەزٸندە جالدامالى جۇمىسشىلارعا قاجەتتٸلٸك, بۇرىن ايتىلعانداي, 188,6 مىڭ ادامدى قۇرايدى. تيٸسٸنشە, قالعان 106 مىڭ ادام جەكە نەمەسە وبەكتيۆتٸ سەبەپتەر بويىنشا ٶزٸن-ٶزٸ جۇمىسپەن قامتۋعا, ونىڭ ٸشٸندە جەكە كەسٸپكەرلەر مەرتەبەسٸنە كٶشۋٸ مٷمكٸن.
