ەلوردانى كٶرٸكتەندٸرۋ جۇمىستارىنىڭ بارلىعى «نۇر-سۇلتان – جايلى قالا» ماستەر-پلانى تۇجىرىمداماسى اياسىندا جٷرگٸزٸلٸپ كەلەدٸ. ياعني, وسى سالا بويىنشا ناقتى دامۋ كارتاسى بار. اتالعان باعىتتا اتقارىلىپ جاتقان جۇمىس جايلى قالا ەكٸمٸ التاي كٶلگٸنوۆ «Egemen Qazaqstan» باسىلىمىنا بەرگەن سۇحباتىندا مەلٸم ەتتٸ.
بيىل استانادا دەمالىس ورىندارى مەن جاسىل جەلەكتٸ ايماقتار ايتارلىقتاي كٶبەيەدٸ. ەكولوگييانى جاقسارتىپ, تۇرعىنداردىڭ دەمالىستا ۋاقىت ٶتكٸزۋٸنە قولايلى ورىندار جاساۋ ٷشٸن قالانى كٶگالداندىرۋ جالعاسا بەرەدٸ. اۋلالار مەن قوعامدىق كەڭٸستٸكتەردە (ساياباقتار, سكۆەرلەر, بۋلۆارلار) تال-تەرەك ەگۋ ارى قاراي دا جٷرگٸزٸلەدٸ.
«ب.مومىشۇلى داڭعىلى بويىمەن جاعالاۋعا دەيٸن جاياۋ جٷرگٸنشٸلەر جەلەكجولىن اباتتاندىرامىز. «تولقىن تەرٸزدٸ اللەيا» اۋماعىندا ٷستەل تەننيسٸ مەن شاحماتقا ارنالعان ٷستەلدەر, دەمالۋعا جەنە ەتكەنشەك تەبۋگە ارنالعان كٶلەڭكەلٸ ايماقتار ورناتۋدى جوسپارلاپ وتىرمىز. بۇل «ترياتلون پاركٸن» جاڭا بٶرتەگٷل باعىمەن بٸرٸكتٸرە وتىرىپ, ەكو-مارشرۋت قۇرۋعا مٷمكٸندٸك بەرەدٸ. وندا مىڭنان استام بٶرتەگٷل كٶشەتٸن وتىرعىزامىز», - دەدٸ ەكٸم.
ول ٶز سٶزٸندە بىلتىر ترياتلون ساياباعىن اۋقىمدى اباتتاندىرۋ باستالعانىن اتاپ ٶتتٸ. بۇدان بٶلەك, ٶتكەن جىلى قالادا العاش رەت كٶپٸراستى الاڭدار جاسالدى. سارايشىق كٶشەسٸندەگٸ «ارقار» كٶپٸرٸنٸڭ استىندا سپورتپەن اينالىسۋعا ارنالعان بٸرنەشە ايماق اشىلىپ, ساياباق اۋماعىندا فۋتبول الاڭدارى ورناتىلدى. بۇل – ترياتلون مەن پرەزيدەنت ساياباقتارى اراسىنداعى كٶپٸر, ول بيىل دا جالعاسادى.
سول سيياقتى تۇڭعىش پرەزيدەنت ساياباعىندا كٶلەڭكەلٸ باستىرمالار, ەتكەنشەكتەر, ٷش سۋبۇرقاق, ونىڭ ٸشٸندە تۇماندى بۋلانۋ, ورىندىقتار جەنە تاعى باسقاسى ورناتىلدى. الداعى ۋاقىتتا ٶزەن ارقىلى ۆەلو-جاياۋ جٷرگٸنشٸ كٶپٸرٸن سالۋ جوسپارلانىپ وتىر. بۇل كٶپٸر ەكٸ ساياباقتى – تۇڭعىش پرەزيدەنت ساياباعى مەن ەسٸل ٶزەنٸنٸڭ بويىنداعى ساياباقتى بٸرىڭعاي كلاستەرمەن بٸرٸكتٸرۋگە مٷمكٸندٸك بەرەدٸ. وسىلايشا قالا تۇرعىندارى اۋداندار اراسىندا كەدەرگٸسٸز جٷرە الادى. كٶپٸردٸڭ بويىندا دەمالىس ايماقتارى جابدىقتالادى, ال كٶپٸردٸڭ ٸشٸنە (استىنا) ەتكەنشەك ورناتىلادى.
ەزٸربايجان مامبەتوۆ كٶشەسٸ بويىندا, قالانىڭ وڭ جاعالاۋىندا جاڭا قوعامدىق كەڭٸستٸك - «دەمالىس پرومەناد» جاسالدى. مۇندا اربات ٸسپەتتٸ جاياۋ جٷرگٸنشٸگە ارنالعان كەڭٸستٸك بولدى.
«مەملەكەت باسشىسىنىڭ تاپسىرماسى بويىنشا قوعامدىق كەڭٸستٸكتەردٸ (ساياباقتار, سكۆەرلەر, بۋلۆارلار, باقتار) اباتتاندىرۋ كەزٸندە, كٶگالداندىرۋعا ەرەكشە نازار اۋدارامىز, ٶيتكەنٸ بۇل – قالا دامۋىنىڭ اجىراماس بٶلٸگٸ.
بيىلعى كٶگالداندىرۋ جۇمىستارىنىڭ ەرەكشەلٸگٸ اۋلالىق اۋماقتاردان, ساياباقتاردان, سكۆەرلەردەن, بۋلۆارلاردان, ەلدٸ مەكەندەردەن باسقا, كٶرٸكتٸ جەرلەرٸمٸزدٸڭ ٸرگەلەس اۋماقتارىن كٶگالداندىرۋعا كٸرٸسكەنٸمٸزدە. بۇل «بەتوندى ورىندار» سانىن ازايتادى. مىسالى ق.قۋانىشباەۆ اتىنداعى قازاق مۋزىكالىق-دراما تەاترى مەن «استانا بالەت» اۋماعىندا جاسىل باق, ال «استانا وپەرا» اۋماعىندا ەمەن باعى, ترياتلون ساياباعىندا بٶرتەگٷل باعى اشىلادى. قازٸر بارلىق جەردە كٶشەتتەر وتىرعىزىلىپ جاتىر. ٶزٸم دە قالانى كٶگالداندىرۋعا قاتىسامىن. قالانىڭ بارلىق اۋدانىن, سونىڭ ٸشٸندە ەلدٸ مەكەندەردٸ كٶگالداندىرامىز», - دەيدٸ ەلوردا ەكٸمٸ.
جالپى, اعاش ەگۋگە قالا تۇرعىندارى, ەرٸكتٸلەر, كەسٸپكەرلەر دە قاتىساتىنى قۋانتادى. وسى جىلى 1 ميلليوننان استام جاسىل جەلەك (اعاشتار, بۇتالار, كٶشەتتەر جەنە ت.ب.) وتىرعىزۋدى جوسپارلاپ وتىرمىز. قازٸر قالانىڭ جاسىل تٷسكە اينالعانىن, جاڭا ەكوايماقتار مەن «جاسىل ارالدار» پايدا بولعانىن كٶرۋگە بولادى. ەگەر جىلدان-جىلعا ساپالى تال ەگٸپ, كٶشەت وتىرعىزۋ جوسپارىن وسى دەڭگەيدە ۇستاپ تۇرساق, ەلوردا ساناۋلى جىلدار ٸشٸندە جاسىل قالاعا اينالماق. بٸر كەزدەرٸ دالالى جەردەن تۇرعان قالا باقشالى شاھار بولادى. 2020 جىلى 148 اۋلا مەن 60 قوعامدىق كەڭٸستٸك تۇرعىندارعا جاڭادان پايدالانۋعا بەرٸلدٸ. وسى جىلى 150 اۋلا مەن 28 قوعامدىق كەڭٸستٸكتٸ اباتتاندىرامىز.
«ەلباسى سۇقباتىندا ەلوردانىڭ باس جوسپارى عيماراتتاردىڭ, جاسىل جەلەكتەر مەن ورماننىڭ سيمبيوزى رەتٸندە جاسالعانىن اتاپ ٶتتٸ. بۇل باعىتتاعى جۇمىستار جالعاستىرىلادى. قالا تۇرعىندارىنىڭ قاتىسۋىمەن سەنبٸلٸكتەر, ەكواكتسييالار تۇراقتى ٶتكٸزٸلەدٸ. شاھاردى كٶگالداندىرۋعا كەز كەلگەن ادام ٷلەس قوسا الادى», - دەدٸ التاي كٶلگٸنوۆ.
