فوتو: Midjourney
پرەزيدەنت قاسىم-جومارت توقاەۆتىڭ تٶراعالىعىمەن ٷكٸمەتتٸڭ كەڭەيتٸلگەن وتىرىسىندا قۇرعاقشىلىق پەن سۋ تاپشىلىعى مەسەلەسٸن كٶتەرٸپ, سۋ ٷنەمدەۋ تەحنولوگيياسىن كەڭ اۋقىمدا ەنگٸزۋدٸ تاپسىردى, - دەپ حابارلايدى «ۇلت اقپارات» Kazinformعا سٸلتەمە جاساپ.
«بىلتىر جامبىل وبلىسىنىڭ ديقاندارى سۋ تاپشىلىعىنان قاتتى زارداپ شەكتٸ. بيىل دا قۇرعاقشىلىق بولۋى مٷمكٸن. ارنايى قۇرىلعان سۋ رەسۋرستارى جەنە يرريگاتسييا مينيسترلٸگٸنٸڭ جۇمىسى ەزٸرگە ويداعىداي نەتيجە بەرگەن جوق. ال, كٶرشٸ مەملەكەتتەر سۋ تاپشىلىعىن جويۋ ٷشٸن ناقتى ماقسات قويىپ, بەلسەندٸ جۇمىس ٸستەپ جاتىر. ال بٸزدە سۋ رەسۋرستارىن باسقارۋ جٷيەسٸن دامىتۋ تۇجىرىمداماسى جاقىندا عانا قابىلداندى. بۇل قۇجات تىم ۇزاق تالقىلاندى», - دەدٸ پرەزيدەنت.
مەملەكەت باسشىسى جاعدايدىڭ ٶتە كٷردەلٸ ەكەنٸن اشىق ايتتى.
«مىسالى, ەلٸمٸزدەگٸ سۋارمالى جەردٸڭ 13 پايىزىندا عانا سۋ ٷنەمدەۋ تەحنولوگيياسى بار. ەسٸرەسە, تٷركٸستان جەنە قىزىلوردا وبلىستارىنداعى جاعداي مٷشكٸل, قۇرعاقشىلىق قاۋپٸ اسا جوعارى. سوعان قاراماستان, وسى ايماقتاردا تيٸستٸ جۇمىس جٷرگٸزٸلٸپ جاتقان جوق. سوندىقتان, سۋدى كٶپ قاجەت ەتەتٸن داقىلداردى ازايتىپ, قۇرعاقشىلىققا تٶزٸمدٸ داقىلداردى كٶبەيتۋ كەرەك, سۋ ٷنەمدەيتٸن تەحنولوگييانى ەنگٸزۋ قاجەت. احۋالدى جاقسارتۋ ٷشٸن باتىل ەرەكەت جاساۋ كەرەك», - دەدٸ ق. توقاەۆ.
پرەزيدەنتتٸڭ پٸكٸرٸنشە, ەڭ الدىمەن, سۋ ٷنەمدەۋ تەحنولوگيياسىن كەڭ اۋقىمدا ەنگٸزگەن جٶن.
«شىنى كەرەك, بٸز سۋدى تىم ورىنسىز جۇمسايمىز. «سۋدىڭ دا سۇراۋى بار». بٷكٸل ەل بولىپ سۋدى ٷنەمدەپ پايدالانۋ مەدەنيەتٸن قالىپتاستىرۋىمىز كەرەك. كٶرشٸ مەملەكەتتەردٸڭ تەجٸريبەسٸن زەرتتەپ, تيٸمدٸ تۇستارىن الۋ قاجەت. ەلدٸ سۋمەن قامتاماسىز ەتۋ – اسا ماڭىزدى مٸندەت, ۇلتتىق قاۋٸپسٸزدٸك مەسەلەسٸ دەۋگە بولادى. ٶنەركەسٸپتە, اگروسەكتوردا, كوممۋنالدىق شارۋاشىلىقتا, جالپى, بارلىق سالادا سۋدى تيٸمدٸ پايدالانۋ مەسەلەسٸنە ەرەكشە مەن بەرۋ قاجەت», - دەدٸ ول.
