2021 جىلى شامامەن 130 ملن تٷپ اعاش وتىرعىزۋ جوسپارلانۋدا. بۇل تۋرالى قازاقپارات ەكولوگييا مينيسرلٸگٸنە سٸلتەمە جاساپ حابارلايدى.
2021 جىلعى 22 شٸلدەدە قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ ٶكٸلدەرٸ اقمولا وبلىسىنىڭ ششۋچينسك قالاسىندا جەنە «بۋراباي» ۇلتتىق پاركٸندە جۇمىس ساپارىمەن بولدى. ساپار بارىسىندا دەلەگاتسييا مەملەكەتتٸك ورمان قورىندا 2 ملرد.اعاش وتىرعىزۋ جوباسىن ٸسكە اسىرۋ بويىنشا ۆەدومستۆوعا قاراستى ۇيىمداردىڭ جۇمىسىمەن تانىستى.
ەستەرٸڭٸزگە سالا كەتەيٸك, اتالعان جوبا قر پرەزيدەنتٸ قاسىم-جومارت توقاەۆتىڭ تاپسىرماسى بويىنشا جٷزەگە اسىرىلۋدا. پرەزيدەنت 2020 جىلى قازاقستان حالقىنا جولداۋىندا 5 جىل ٸشٸندە ەلٸمٸزدٸ اۋقىمدى كٶگالداندىرۋ مٸندەتٸن قويدى.
قازٸرگٸ ۋاقىتتا ورمان قورىنىڭ جالپى الاڭى (بارلىق ورماندار مەن ورمان شارۋاشىلىعىن جٷرگٸزۋگە ارنالعان جەرلەردٸڭ جيىنتىعى) 30 ملن.گەكتاردى نەمەسە قازاقستان اۋماعىنىڭ 11% - ىن قۇرايدى. ورمانداردىڭ ەڭ كٶپ اۋداندارى قىزىلوردا, جامبىل (نەگٸزٸنەن سەكسەۋٸل), شىعىس قازاقستان جەنە الماتى وبلىستارىندا (مايقاراعاي, سامىرسىن, بالقاراعاي جەنە شىرشا) شوعىرلانعان.
ەلٸمٸزدٸڭ ورماندىلىق كٶرسەتكٸشٸ 4,8% دەڭگەيٸندە. جوعارىدا اتالعان جوبانى ٸسكە اسىرۋ بۇل كٶرسەتكٸشتٸ 5% - عا دەيٸن جەتكٸزۋگە مٷمكٸندٸك بەرەدٸ.
جوبانى جٷزەگە اسىرۋ ٷشٸن بارلىق وبلىستارلا جەنە مينيسترلٸكتٸڭ ۆەدومستۆولىق باعىنىستى مەكەمەلەرٸندە ورمانداردى مولىقتىرۋ مەن ورمان ٶسٸرۋدٸڭ 5 جىلدىق كەشەندٸ جوسپارلارى بەكٸتٸلدٸ, رەسپۋبليكالىق جەنە جەرگٸلٸكتٸ بيۋدجەتتەردەن شىعىستار ايقىندالدى, سونداي-اق ورمان جەنە تابيعات قورعاۋ مەكەمەلەرٸنٸڭ ٸس-قيمىلدارىن ٷيلەستٸرۋ جٶنٸندەگٸ شتاب قۇرىلدى.
جوبا باستالعاننان بەرٸ بيىلعى جىلعى كٶكتەمدە 81,5 ملن. اعاش وتىرعىزىلدى. كٷزدە تاعى 48,2 ملن. اعاش وتىرعىزۋ جوسپارلانۋدا. وتىرعىزۋ كٶلەمٸ جىل سايىن 2021 جىلعى 129,7 ملن.اعاشتان 2025 جىلى 642,8 ملن. اعاشقا دەيٸن ۇلعاياتىن بولادى.
2 ملرد تٷپ اعاشتىڭ 1 455,7 ملن داناسىن ەكٸمدٸكتەر, 294,3 ملن. داناسىن ورمان پايدالانۋشىلار مەن حالىقارالىق دونورلار, 250 ملن. داناسىن ەكولوگييا مينيسترلٸگٸنٸڭ ۆەدومستۆولىق باعىنىستى ۇيىمدارى وتىرعىزۋدى جوسپارلاپ وتىر.
وتىرعىزۋ جوسپارلانعان اعاش تٷرلەرٸنٸڭ ٸشٸندە سەكسەۋٸل ەڭ كٶپ ٷلەستٸ (شامامەن 30%) الاتىنىن اتاپ ٶتكەن جٶن. بۇل وسى ايماقتىڭ ەكولوگيياسىن جاقسارتۋ ٷشٸن ارال تەڭٸزٸنٸڭ قۇرعاعان تٷبٸندە سەكسەۋٸل ورماندارىن ٶسٸرۋ قاجەتتٸلٸگٸنە بايلانىستى.
جالپى, جوبا اياسىندا شامامەن 610 مىڭ دانا سەكسەۋٸل, 555 مىڭنان استام دانا قاراعاي, 193 مىڭنان استام دانا ٷيەڭكٸ, 132 مىڭنان استام دانا شەگٸرشٸن, 100 مىڭنان استام دانا قايىڭ جەنە باسقا دا تۇقىمدار وتىرعىزۋ جوسپارلانۋدا.
جوبانى قارجىلاندىرۋ ٷشٸن 5 جىل ٸشٸندە رەسپۋبليكالىق بيۋدجەتتەن 22 ملرد.تەڭگە, جەرگٸلٸكتٸ بيۋدجەتتەردەن 60 ملرد. تەڭگە بٶلۋ جوسپارلانۋدا.
سونىمەن قاتار, ماماندار تٷسٸندٸرگەندەي, اعاشتاردىڭ قۇنى ماۋسىمدىق جۇمىسشىلاردىڭ جالاقىسى, تۇقىم جيناۋ جەنە ٶڭدەۋ, توپىراق دايىنداۋ, كٶشەتتەردٸ 2-3 جىل كٷتۋ شىعىندارىمەن انىقتالادى. وسىعان بايلانىستى قارجىلاندىرۋ تۇقىمداردى جيناۋ مەن ٶڭدەۋگە, قىزمەتكەرلەردٸڭ جالاقىسىنا جۇمسالعان شىعىنداردى جابۋعا عانا ەمەس, سونداي-اق توپىراق-ٸزدەستٸرۋ جۇمىستارىن جٷرگٸزۋگە, ورمان ەگٸس الاڭدارىن ۇلعايتۋعا, تەحنيكا مەن جابدىقتار ساتىپ الۋعا, ورمانداردى مولىقتىرۋ جٶنٸندەگٸ جۇمىستاردى ورىنداۋعا باعىتتالاتىن بولادى.
