2021 jyly shamamen 130 mln túp aǵash otyrǵyzý josparlanýda. Bul týraly QazAqparat Ekologiia minisrligine silteme jasap habarlaidy.
2021 jylǵy 22 shildede QR ekologiia, geologiia jáne tabiǵi resýrstar ministrliginiń ókilderi Aqmola oblysynyń Shýchinsk qalasynda jáne «Býrabai» ulttyq parkinde jumys saparymen boldy. Sapar barysynda delegatsiia memlekettik orman qorynda 2 mlrd.aǵash otyrǵyzý jobasyn iske asyrý boiynsha vedomstvoǵa qarasty uiymdardyń jumysymen tanysty.
Esterińizge sala keteiik, atalǵan joba QR Prezidenti Qasym-Jomart Toqaevtyń tapsyrmasy boiynsha júzege asyrylýda. Prezident 2020 jyly Qazaqstan halqyna Joldaýynda 5 jyl ishinde elimizdi aýqymdy kógaldandyrý mindetin qoidy.
Qazirgi ýaqytta orman qorynyń jalpy alańy (barlyq ormandar men orman sharýashylyǵyn júrgizýge arnalǵan jerlerdiń jiyntyǵy) 30 mln.gektardy nemese Qazaqstan aýmaǵynyń 11% - yn quraidy. Ormandardyń eń kóp aýdandary Qyzylorda, Jambyl (negizinen sekseýil), Shyǵys Qazaqstan jáne Almaty oblystarynda (maiqaraǵai, samyrsyn, balqaraǵai jáne shyrsha) shoǵyrlanǵan.
Elimizdiń ormandylyq kórsetkishi 4,8% deńgeiinde. Joǵaryda atalǵan jobany iske asyrý bul kórsetkishti 5% - ǵa deiin jetkizýge múmkindik beredi.
Jobany júzege asyrý úshin barlyq oblystarla jáne ministrliktiń vedomstvolyq baǵynysty mekemelerinde ormandardy molyqtyrý men orman ósirýdiń 5 jyldyq keshendi josparlary bekitildi, respýblikalyq jáne jergilikti biýdjetterden shyǵystar aiqyndaldy, sondai-aq orman jáne tabiǵat qorǵaý mekemeleriniń is-qimyldaryn úilestirý jónindegi shtab quryldy.
Joba bastalǵannan beri biylǵy jylǵy kóktemde 81,5 mln. aǵash otyrǵyzyldy. Kúzde taǵy 48,2 mln. aǵash otyrǵyzý josparlanýda. Otyrǵyzý kólemi jyl saiyn 2021 jylǵy 129,7 mln.aǵashtan 2025 jyly 642,8 mln. aǵashqa deiin ulǵaiatyn bolady.
2 mlrd túp aǵashtyń 1 455,7 mln danasyn ákimdikter, 294,3 mln. danasyn orman paidalanýshylar men halyqaralyq donorlar, 250 mln. danasyn Ekologiia ministrliginiń vedomstvolyq baǵynysty uiymdary otyrǵyzýdy josparlap otyr.
Otyrǵyzý josparlanǵan aǵash túrleriniń ishinde sekseýil eń kóp úlesti (shamamen 30%) alatynyn atap ótken jón. Bul osy aimaqtyń ekologiiasyn jaqsartý úshin Aral teńiziniń qurǵaǵan túbinde sekseýil ormandaryn ósirý qajettiligine bailanysty.
Jalpy, joba aiasynda shamamen 610 myń dana sekseýil, 555 myńnan astam dana qaraǵai, 193 myńnan astam dana úieńki, 132 myńnan astam dana shegirshin, 100 myńnan astam dana qaiyń jáne basqa da tuqymdar otyrǵyzý josparlanýda.
Jobany qarjylandyrý úshin 5 jyl ishinde respýblikalyq biýdjetten 22 mlrd.teńge, jergilikti biýdjetterden 60 mlrd. teńge bólý josparlanýda.
Sonymen qatar, mamandar túsindirgendei, aǵashtardyń quny maýsymdyq jumysshylardyń jalaqysy, tuqym jinaý jáne óńdeý, topyraq daiyndaý, kóshetterdi 2-3 jyl kútý shyǵyndarymen anyqtalady. Osyǵan bailanysty qarjylandyrý tuqymdardy jinaý men óńdeýge, qyzmetkerlerdiń jalaqysyna jumsalǵan shyǵyndardy jabýǵa ǵana emes, sondai-aq topyraq-izdestirý jumystaryn júrgizýge, orman egis alańdaryn ulǵaitýǵa, tehnika men jabdyqtar satyp alýǵa, ormandardy molyqtyrý jónindegi jumystardy oryndaýǵa baǵyttalatyn bolady.
