بيىل ەلٸمٸزدە 10 سۋ قويماسى قالپىنا كەلتٸرٸلەدٸ. بۇل تۋرالى بٷگٸن ٷكٸمەت وتىرىسىندا قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى "ۇلت اقپارات".
«بٷگٸنگٸ كٷنٸ 41 اپاتتى سۋ قويماسىن قالپىنا كەلتٸرۋ بويىنشا جۇمىس جالعاسۋدا. ونىڭ 11-ٸ قالپىنا كەلتٸرٸلدٸ. سونىڭ نەتيجەسٸندە 14 مىڭنان استام تۇرعىنى بار 15 ەلدٸ مەكەندە سۋ باسۋ قاۋپٸ جويىلدى. بيىل تاعى 10 سۋ قويماسىن قالپىنا كەلتٸرۋ جوسپارلانۋدا. قالعان 20 سۋ قويماسىنا قاتىستى جۇمىستار الداعى 3 جىلدىڭ ٸشٸندە اياقتالادى. بٷگٸندە وسى نىساندار سۋ جيناعىش رەتٸندە ەمەس, سۋ ٶتكٸزگٸش رەتٸندە قولدانىلىپ وتىرعاندىقتان, سۋ تاسقىنى كەزٸندە قاۋٸپ تٶندٸرمەيتٸندٸگٸن اتاپ ٶتكٸم كەلەدٸ», - دەدٸ ول.
جالپى, ونىڭ دەرەگٸنشە, الدىن الا بولجام بويىنشا, بيىل ٶزەندەردٸڭ سۋلىلىعى قالىپتى دەڭگەيدە نە ودان تٶمەن دەپ كٷتٸلۋدە.
«رەسپۋبليكالىق مەنشٸك نىساندارىنداعى سۋ شارۋاشىلىعىنىڭ جاعدايى مينيسترلٸكتٸڭ تۇراقتى باقىلاۋىندا. بۇل رەتتە, كوممۋنالدىق مەنشٸكتەگٸ گيدروتەحنيكالىق قۇرىلىستاردىڭ جاي-كٷيٸنە وبلىس ەكٸمدەرٸنٸڭ نازارىن اۋدارۋ قاجەت دەپ سانايمىز», - دەدٸ ماعزۇم مىرزاعاليەۆ.
