بٸشكەكتەگٸ ميتينگ كەزٸندە جاراقات العان 16 ادام اۋرۋحاناعا جەتكٸزٸلدٸ, دەپ حابارلايدى "ۇلت اقپارات" كابار اگەنتتٸگٸنە سٸلتەمە جاساپ.
شۇعىل مەلٸمەتكە سەنسەك, بٸشكەك ستاتسيونارلارىنا 16 ادام تٷسكەن. بۇل جايىندا اگەنتتٸككە قىرعىزستاننىڭ دەنساۋلىق ساقتاۋ مينيسترلٸگٸ حابارلاعان.
بٸشكەك ۋاقىتىمەن ساعات 22:00 كەزٸندەگٸ اقپارات بويىنشا, بٸشكەكتٸڭ تراۆماتولوگييا جەنە ورتوپەدييا عىلىمي-زەرتتەۋ ورتالىعىنا تٷرلٸ جاراقاتپەن 4 ادام جەتكٸزٸلگەن.
دەنساۋلىق ساقتاۋ مينيسترلٸگٸ جانىنداعى ۇلتتىق كوسپيتالدە 10 ادام ەم الىپ جاتىر. ال قالالىق كلينيكالىق اۋرۋحاناعا ميتينگتە زارداپ شەككەن 2 ناۋقاس جاتقىزىلعان.
«جاراقاتتىڭ سيپاتى ناقتىلانىپ جاتىر, ول جايلى كەيٸن تولىعىراق حابارلانادى» دەپ اتاپ ٶتتٸ مينيسترلٸك.
ەسكە سالا كەتەيٸك, بٷگٸن بٸشكەكتە جوگوركۋ كەنەش دەپۋتاتتارىنىڭ سايلاۋىنا كٶڭٸلٸ تولماعان بٸر توپ ادام ورتالىق الاڭدا ميتينگ ۇيىمداستىرىپ, ودان كەيٸن اق ٷيگە بەتتەدٸ. ولاردى قۋۋ ٷشٸن پوليتسييا مەن ارنايى جاساق قىزمەتكەرلەرٸ كٶز جاساۋراتاتىن گاز قولدانعان. سونداي-اق, ارنايى اۆتوكٶلٸك جەنە يتتەردٸڭ كٶمەگٸمەن دەمونسترانتتاردى ەكٸگە بٶلٸپ جٸبەرگەن.
الا-توو الاڭىنداعى وقيعا كەزٸندە "اتا مەكەن" پارتيياسىنىڭ اتىنان سايلاۋعا تٷسكەن كانديدات جانار اقاەۆ جاراقات الدى. بۇل تۋرالى اقاەۆتىڭ كٶمەكشٸسٸ وروزبەك مۋراتوۆ حابارلادى. ونىڭ ايتۋىنشا, اياعىنان جارالانعان اقاەۆتى اۋرۋحاناعا جەتكٸزۋ ٷشٸن "جەدەل جەردەم" شاقىرىلعان. ينتەرنەتتە جارييالانعان ۆيدەودا اقاەۆتى بٸرنەشە ادامنىڭ كٶتەرٸپ بارا جاتقانى بايقالادى.
قىرعىزستان دەنساۋلىق ساقتاۋ مينيسترلٸگٸنٸڭ باسپاسٶز حاتشىسى جىلدىز ايگەرچينوۆانىڭ ايتۋىنشا, الا-توو الاڭىندا ميتينگٸگە شىققانداردى تاراتۋ كەزٸندە كٷش قۇرىلىمدارىنىڭ ەكٸ قىزمەتكەرٸ جارالانعان, ەكەۋٸنٸڭ دە ميى شايقالعان. ولاردى "جەدەل جەردەم" قىزمەتٸ اۋرۋحاناعا الىپ كەتتٸ.
قىرعىزستانداعى ٷلكەن قالالاردىڭ بٸرٸ, ىستىقكٶل وبلىسىنىڭ ورتالىعى كاراكولدىڭ ورتالىق الاڭىنا 5 قازان تٷنگٸ 21:30 شاماسىندا نارازى جۇرت جينالا باستادى.
وبلىستىڭ باسقا اۋىلدارىنىڭ تۇرعىندارى بٸشكەكتەگٸ نارازىلىققا قاتىسۋ ٷشٸن استاناعا كەتٸپ جاتىر دەگەن اقپارات بار.
5 قازاندا كٷندٸز دە كاراكول قالاسىندا سايلاۋ قورىتىندىسىمەن كەلٸسپەيتٸندەردٸڭ جيىنى ٶتكەن.
قىرعىزستاننىڭ رەسەيگە بٷيرەگٸ بۇراتىن پرەزيدەنتٸ سوورونباي جەەنبەكوۆكە جاقىن پارتييالار 4 قازاندا ٶتكەن پارلامەنت سايلاۋىندا دەپۋتاتتىق ورىنداردىڭ باسىم بٶلٸگٸن يەلەندٸ. وپپوزيتسييا "زاڭ بۇزۋ كٶپ بولعاندىقتان, سايلاۋ نەتيجەسٸن مويىندامايمىز" دەدٸ.
الدىن الا نەتيجەلەرگە قاراساق, 7 پايىزدىق مەجەدەن ٶتكەن تٶرت پارتييا قىرعىزستاننىڭ 120 ورىندىق پارلامەنتٸ – جوگوركۋ كەنەشكە دەپۋتات جٸبەرۋ مٷمكٸندٸگٸنە يە بولعان.
جاڭا قۇرىلعان بيلٸك پارتيياسى – "بيريمديك" (بٸرلٸك) 24,5 پايىز داۋىس السا, "مەكەنيم كىرگىزستان" (مەكەنٸم – قىرعىزستان) - 23,88, "كىرگىزستان" 8,76 پايىز داۋىس جيناعان.
بۇل ٷش پارتييا ٷكٸمەتتٸ قولدايتىن ساياسي ۇيىمدار رەتٸندە سيپاتتالادى. "بيريمديك" تە, "مەكەنيم كىرگىزستان" دا مەسكەۋ ٷستەمدٸك ەتەتٸن ەۋرازييا ەكونوميكالىق وداعىن جاقتايدى جەنە رەسەيمەن قاۋٸپسٸزدٸك سالاسىندا جاقىن ىنتىماقتاسۋ كەرەك دەپ ەسەپتەيدٸ.
وپپوزيتسييادان جالعىز "بٷتٷن كىرگىزستان" ("بٸرتۇتاس قىرعىزستان") پارتيياسى عانا 7,13 پايىز داۋىسپەن مەجەدەن ٶتە الدى. دوداعا تٷسكەن قالعان 12 پارتييا پارلامەنتكە ٶتپەي قالدى.
