6 قازانعا قاراعان تٷنٸ بٸشكەكتە ميتينگٸدە قازا بولعان جٸگٸت 19 جاستا بولعان. بٸشكەكتەگٸ ۇلتتىق گوسپيتالدىڭ باس دەرٸگەرٸ توكتوباي مااناەۆ ازاتتىقتىڭ قىرعىز قىزمەتٸنە جٸگٸتتٸڭ اۋىر جاراقاتتانىپ, اۋرۋحانادا كٶز جۇمعانىن ايتتى.
- مارقۇمنىڭ ەكٸ اياعىن جارىلعىش زات جۇلىپ كەتكەن. قازٸر سٷيەگٸن مەيٸتحاناعا جەتكٸزدٸك, - دەدٸ توكتوباي مااناەۆ.
قىرعىزستان دەنساۋلىق ساقتاۋ مينيسترلٸگٸنٸڭ مەلٸمەتٸنشە, كەشە, 5 قازاننان بەرٸ 600-گە جۋىق ادام دەرٸگەر كٶمەگٸنە جٷگٸنگەن. 150 ادام تٷرلٸ جاراقاتپەن اۋرۋحاناعا تٷسكەن, 13 ادام رەانيماتسييادا جاتىر.
5 قازاندا بٸشكەكتە پارلامەنت سايلاۋىنىڭ الدىن الا قورىتىندىسىنا نارازى توپ ميتينگ ٶتكٸزٸپ, كەشكە قاراي سوڭى قاقتىعىسقا ۇلاسقان. پوليتسييا پارلامەنت عيماراتى مەن پرەزيدەنت ەكٸمشٸلٸگٸ الدىندا نارازىلارعا رەزەڭكە وق, كٶزدەن جاس اعىزاتىن گاز, تٷتٸن قۇتىلار قولدانعان. ونداعان ادام جارالانعان.
كەيٸنٸرەك ارنايى جاساق نارازىلارعا كٷش قولدانۋىن توقتاتقان. سەيسەنبٸگە قاراعان تٷنٸ دەمونسترانتتار اق ٷي, پارلامەنت, مەملەكەتتٸك ۇلتتىق قاۋٸپسٸزدٸك كوميتەتٸ عيماراتىن باسىپ العان.
وقيعاعا بايلانىستى ۆيدەومەلٸمدەمە جاساعان پرەزيدەنت سوورونباي جەەنبەكوۆ "ورتالىق سايلاۋ كوميسسيياسىنا سايلاۋ كەزٸندەگٸ زاڭبۇزۋشىلىقتاردى تەكسەرٸپ, ەگەر راستالسا, پارلامەنت سايلاۋىنىڭ قورىتىندىسىن جارامسىز ەتۋدٸ تاپسىرعانىن" حابارلادى.
4 قازاندا قىرعىزستاندا پارلامەنت سايلاۋى ٶتٸپ, ونىڭ الدىن الا قورىتىندىسى بويىنشا ٷكٸمەتشٸل ٷش پارتييا جەنە وپپوزيتسييالىق بٸر پارتييا پارلامەنتكە ٶتكەن. بۇرىن "جوگورگۋ كەنەشٸندە" بولعان وپپوزيتسييالىق پارتييالار 7 پايىزدىق مەجەدەن ٶتە الماعان. پارلامەنتكە ٶتە الماعان پارتييالار سايلاۋ كەزٸندە سايلاۋشىعا اقشا بەرۋ سيياقتى ٶرەسكەل زاڭبۇزۋشىلىقتار بولعانىن ايتىپ, ەلدە قايتادان سايلاۋ ٶتكٸزۋدٸ تالاپ ەتكەن ەدٸ.
