قىرعىزستان دەنساۋلىق ساقتاۋ مينيسترلٸگٸ بٸشكەكتە ميتينگ كەزٸندە 700-گە جۋىق ادامنىڭ زارداپ شەككەنٸن حابارلادى. دەرٸگەر كٶمەگٸنە جٷگٸنگەن 686 ادامنىڭ 521-ٸ العاشقى كٶمەك كٶرسەتٸلگەننەن كەيٸن امبۋلاتورلىق جاعدايدا ەمدەلۋگە جٸبەرٸلگەن.
تٷرلٸ دەرەجەدە جاراقات العان 164 ادام اۋرۋحاناعا جاتقىزىلعان. 7 ادام رەانيماتسييادا جاتىر. وسىعان دەيٸن 2001 جىلعى ەر ادامنىڭ ۇلتتىق گوسپيتالدا اۋىر جاراقاتتان كٶز جۇمعانى حابارلانعان ەدٸ.
5 قازاندا بٸشكەكتە پارلامەنت سايلاۋىنىڭ قورىتىندىسىمەن كەلٸسپەگەن نارازى توپ ميتينگ ٶتكٸزٸپ, سايلاۋ نەتيجەسٸن جويۋدى تالاپ ەتكەن.
دٷيسەنبٸ كٷنٸ كەشكە قاراي دەمونسترانتتار اق ٷيدٸڭ وڭتٷستٸك قاقپاسىن سىندىرىپ, ٸشكە ەنۋگە تىرىسقان. ميليتسييا ارنايى قۇرالدار قولدانىپ, نارازىلاردى تاراتپاق بولدى.
باستاپقىدا كٷشتٸك قۇرىلىمدار دەمونسترانتتاردى اق ٷي مەن "الا-توو" الاڭىنان قۋعان. كەيبٸر كٶشەلەردە دەمونسترانتتار مەن قۇقىق قورعاۋ ورگان ٶكٸلدەرٸ قاقتىعىسىپ قالعان. جارىم تٷندە نارازىلار اق ٷي, مەملەكەتتٸك ۇلتتىق قاۋٸپسٸزدٸك كوميتەتٸ عيماراتىن, قوعامدىق كترك ارناسىن باسىپ الدى.
6 قازاندا پرەزيدەنت سوورونباي جەەنبەكوۆ ورتالىق سايلاۋ كوميسسيياسىنا سايلاۋ كەزٸندە بولعان زاڭبۇزۋشىلىقتاردى تەكسەرۋدٸ تاپسىرىپ, "قاجەت جاعدايدا سايلاۋ قورىتىندىسىن جويۋدى" ۇسىنعان. كٶپ كەشٸكپەي ورتالىق سايلاۋ كوميسسيياسىنىڭ پارلامەنت سايلاۋىنىڭ نەتيجەسٸن جويعانى بەلگٸلٸ بولدى.
ەلدە ٷيلەستٸرۋ كەڭەسٸ قۇرىلىپ, وعان بٸرقاتار ساياساتكەرلەر ەندٸ. "بۋتۋن كىرگىزستان" پارتيياسىنىڭ جەتەكشٸسٸ اداحان مادۋماروۆ كەڭەس جەتەكشٸسٸ بولىپ تاعايىندالدى.
