قىرعىزستان پرەزيدەنتٸ سوورونباي جەەنبەكوۆ بٷگٸن, 9 قازاندا بٸشكەك قالاسىنىڭ اۋماعىندا تٶتەنشە جاعداي رەجيمٸن ەنگٸزۋ تۋرالى جارلىققا قول قويدى, دەپ حابارلايدى كابار اگەنتتٸگٸ.
"جاپپاي تەرتٸپسٸزدٸكتەر نەتيجەسٸندە تۋىنداعان زورلىق-زومبىلىقپەن جەنە ادامداردىڭ ٶمٸرٸ مەن دەنساۋلىعىنا قاتەر تٶندٸرۋمەن ۇشتاساتىن قالىپتاسقان جاعدايعا بايلانىستى, سونداي-اق قىرعىز رەسپۋبليكاسى كونستيتۋتسيياسىنىڭ 15-بابىنا, 64-بابى 9-بٶلٸگٸنٸڭ 2-تارماعىنا جەنە «تٶتەنشە جاعداي تۋرالى» قىرعىز رەسپۋبليكاسى كونستيتۋتسييالىق زاڭىنىڭ 3, 4, 7, 8-باپتارىنا سەيكەس ازاماتتاردىڭ ٶمٸرٸ مەن دەنساۋلىعىن, ولاردىڭ قاۋٸپسٸزدٸگٸن قورعاۋدى قامتاماسىز ەتۋ مٷددەسٸندە, بۇدان بٶلەك, بٸشكەك قالاسىنىڭ اۋماعىندا قوعامدىق تەرتٸپتٸ قامتاماسىز ەتۋ ماقساتىندا:
قىرعىز رەسپۋبليكاسى بٸشكەك قالاسىنىڭ اۋماعىندا 2020 جىلعى 9 قازان ساعات 20.00-دەن 2020 جىلعى 21 قازان ساعات 08.00-گە دەيٸن تٶتەنشە جاعداي ەنگٸزٸلەدٸ.
قىرعىز رەسپۋبليكاسى ٸشكٸ ٸستەر مينيسترٸنٸڭ ورىنباسارى المازبەك قىدىربايۇلى وروزاليەۆ بٸشكەك قالاسىنىڭ تٶتەنشە جاعداي كەزەڭٸندەگٸ كومەندانتى بولىپ تاعايىندالدى.
قىرعىز رەسپۋبليكاسى بٸشكەك قالاسىنىڭ اۋماعىندا تٶتەنشە جاعداي رەجيمٸن قامتاماسىز ەتۋ ٷشٸن كومەنداتۋرا قۇرىلىپ, بٸشكەك قالاسىنىڭ كومەنداتۋراسى تۋرالى ەرەجە قوسىمشاعا سەيكەس بەكٸتٸلدٸ" دەلٸنگەن قۇجاتتا.
وسى ارالىقتا قالاعا كٸرٸپ-شىعۋعا شەكتەۋ قويىلادى, ەرەۋٸل, جينالىس, شەرۋ, دەمونستراتسييا جەنە پيكەت ٶتكٸزۋگە تىيىم سالىنادى. كەسٸپورىنداردىڭ جۇمىس ٸستەۋ ۋاقىتى ٶزگەرەدٸ. ادام كٶپ جٷرگەن جەردە ساقشىلار جينالعانداردىڭ كۇجاتتارىن تەكسەرەدٸ. قۇجاتتا بۇدان دا باسقا شەكتەۋ شارالارى جازىلعان.
قىرعىزستاندا 4 قازاندا ٶتكەن پارلامەنت سايلاۋىنان كەيٸن ساياسي داعدارىس تۋىنداعان. پارلامەنت سايلاۋىنىڭ نەتيجەسٸن جويۋدى تالاپ ەتكەن نارازىلىق اكتسييالارىنىڭ سوڭى تەرتٸپسٸزدٸككە ۇلاسقان. 6 قازانعا قاراعان تٷنٸ دەمونسترانتتار پارلامەنت پەن پرەزيدەنت اپپاراتى ورنالاسقان "اق ٷيدٸ" باسىپ الدى. جەمقورلىق بويىنشا ايىپتالىپ, سوتتالعان بٸرنەشە ساياساتكەر نارازىلار تالابىمەن قاماۋدان شىقتى. ەلدە ساياسي كٷشتەر اراسىندا بيلٸككە تالاس قىزعان.
بٸرنەشە كٷننەن بەرٸ تٷرلٸ ساياسي كٷشتەر مەن ساراپشىلار "مەملەكەتتٸ قۇقىقتىق اياعا ەكەلۋ" جولدارىن ۇسىنىپ جاتىر. پرەزيدەنت سوورونباي جەەنبەكوۆ 8 قازان كەشكە "مەملەكەت قۇقىقتىق اياعا ورالعان سوڭ پرەزيدەنت قىزمەتٸنەن كەتۋگە دايارمىن" دەپ مەلٸمدەگەن.
جۇما, 9 قازاندا كٷندٸز بٸشكەكتە الا-توو الاڭىندا ەكٸ تٷرلٸ ميتينگ ٶتتٸ. باق-تىڭ حابارلاۋىنشا, الاڭنىڭ بٸر جاعىنا بۇرىنعى پرەزيدەنت المازبەك اتامباەۆ پەن ەكس-پرەمەر ٶمٸربەك بابانوۆ جاقتاستارى, ەكٸنشٸ جاعىنا بۇرىنعى دەپۋتات سادىر جاپاروۆ جاقتاستارى جينالعان.
