10 جىلعا باس بوستاندىعىنان ايىرىلعان قر ۇەم بۇرىنعى مينيسترٸ قۋاندىق بيشٸمباەۆتىڭ اقمولا وبلىسىنىڭ قوسشى اۋىلىنداعى كوتتەدجٸ مەدەنيەت ٷيٸنە اينالادى, دەپ حابارلايدى "قازاقپارات" تسەلينوگراد اۋدانى ەكٸمدٸگٸنە سٸلتەمە جاساپ.
ەكٸمدٸكتٸڭ مەلٸمەتٸ بويىنشا استانانىڭ ٸرگەسٸندەگٸ قوسشى اۋىلىندا ەكس-مينيستر قۋاندىق بيشٸمباەۆتىڭ اڭشى ٷيٸنٸڭ اۋماعى 500 شارشى مەتر. بۇل كوتتەدجدە ٷلكەن حولل, ٷش جاتىن بٶلمە, مونشا جەنە اشىق باسسەين بار.
استانا قالاسى قىلمىستىق ٸستەر بويىنشا مامانداندىرىلعان اۋدانارالىق سوتىنىڭ شەشٸمٸنە سەيكەس تسەلينوگراد اۋدانى ەكٸمدٸگٸنٸڭ 2018 جىلدىڭ 7 قىركٷيەكتەگٸ قاۋلىسىمەن اتالمىش نىسان اۋداندىق مەدەنيەت ٷيٸنٸنٸڭ بالانسىنا بەرٸلگەن.
«قازٸرگٸ كەزدە, كوتتەدجدٸ مەدەنيەت ٷي رەتٸندە قايتا جابدىقتاۋ جۇمىستارى جٷگٸزٸلۋدە. جاقىندا ٸشٸن جيناستىرىپ, تازالادىق. مەدەنيەت ٷيٸنە قاجەتتٸ قۇرالدارمەن جابدىقتالۋدا. جىل سوڭىنا دەيٸن نىساندى پايدالانۋعا بەرەتٸن بولامىز. وندا 20 ادام جۇمىس ٸستەپ, 10 ٷيٸرمە ۇيىمداستىرۋ جوسپارلانعان. بۇل قوسشى اۋىلىنداعى العاشقى مەدەنيەت ٷيٸ بولادى», - دەپ تٷسٸندٸردٸ تسەلينوگراد اۋداندىق مەدەنيەت جەنە تٸلدەردٸ دامىتۋ بٶلٸمٸنٸڭ باسشىسى ايگٷل سٷيٸنجانوۆا قازاقپارات تٸلشٸسٸنٸڭ ساۋالىنا.
ەسكە سالا كەتەيٸك, 2018 جىلعى 14 ناۋرىزىندا استانا قالاسى قىلمىستىق ٸستەر بويىنشا مامانداندىرىلعان اۋدانارالىق سوتىنىڭ ٷكٸمٸمەن بۇرىنعى ۇلتتىق ەكونوميكا مينيسترٸ قۋاندىق بيشٸمباەۆ مٷلكٸنٸڭ تەركٸلەنۋٸمەن 10 جىلعا سوتتالعان بولاتىن.
