فوتو: ©️ Tengrinews.kz / تۇرار قازانعاپوۆ
مەجٸلٸس دەپۋتاتى, زاڭگەر ابزال قۇسپان ەدٸلەت مينيسترلٸگٸ ۇيىمداستىرعان حالىقارالىق كونفەرەنتسييا الدىندا باق ٶكٸلدەرٸنە ەكس-شەنەۋنٸك قۋاندىق بيشٸمباەۆتىڭ ٸسٸ تۋرالى پٸكٸر بٸلدٸردٸ, دەپ حابارلايدى Kazinform.
«كەيٸنگٸ كەزدە راقىمشىلىق ارقىلى بوساپ شىققان ادامدار ٶرەسكەل قىلمىستار جاساپ جاتىر. مەجٸلٸس دەپۋتاتى رەتٸندە راقىمشىلىق تەتٸكتەرٸن جەتٸلدٸرۋ باعىتىندا جۇمىس ٸستەپ جاتىرسىزدار ما?» دەپ سۇرادى جۋرناليست.
دەپۋتاتتىڭ ايتۋىنشا, بيشٸمباەۆقا جاسالعان راقىمشىلىق — «ەسكٸ قازاقستاننىڭ» اتريبۋتى.
«بۇل مەسەلەنٸڭ جالپى سيپاتىنا نازار اۋدارتقىم كەلەدٸ. بٸز مىنا قىلمىستىق زاڭنامانى جان-جاقتان جۇلقىلاپ, نەشە تٷرلٸ ٶزگەرٸستەر مەن تولىقتىرۋلار ەنگٸزٸپ, نەشە تٷرلٸ ەكسپەريمەنت جاساپ, ويىنشىققا اينالدىرىپ جٸبەردٸك. سوناۋ ورتا عاسىرلاردان بەرٸ كەلە جاتقان ۇستانىم بار. زاڭنىڭ ٸسٸنە ساياساتكەرلەر ارالاسسا, زاڭنىڭ ەشقانداي سالماعى, مەنٸ مەن ماعىناسى قالمايدى. بيشٸمباەۆقا قاتىستى سٸز ايتىپ وتىرعان مەسەلەنٸڭ راقىمشىلىققا ەشقانداي قاتىسى جوق. ول كەزدەگٸ "ەسكٸ قازاقستاندا" پرەزيدەنتتٸڭ جانىندا اقتايتىن ارنايى كوميسسييا بولدى. ياعني, ول سوتتان دا, باسقادان دا جوعارى تۇراتىن ورگان سيياقتى ەدٸ. سوت ٶز ٷكٸمٸن شىعارىپ, 10 جىلعا باس بوستاندىعىنان ايىرعان. مەنٸڭ بٸلۋٸمشە, سول ٷكٸم كٷشٸنە ەنٸپ, جازاسىن ٶتەپ جاتقان كەزدە پرەزيدەنت جانىنداعى كوميسسييانىڭ شەشٸمٸ بويىنشا پرەزيدەنت تاراپىنان راقىمشىلىق جارييالانىپ, بوساپ شىققان بولاتىن. ياعني ول جەردە ەشقانداي سوت بولمايدى, پروكۋرور قاتىسپايدى, ادۆوكاتتار قاتىسپايدى, سوت جارىسسٶزٸ بولمايدى دەگەن سيياقتى. بٸر عانا ادامنىڭ شەشٸمٸ. ونىڭ ارتى ەندٸ قانداي سالدارعا ەكەپ سوققانىن ٶزدەرٸڭٸز كٶرٸپ وتىرسىزدار», — دەيدٸ دەپۋتات.
زاڭگەر قازٸر پرەزيدەنت جانىندا ونداي كوميسسييا جۇمىس ٸستەمەيتٸنٸن دە اتاپ ٶتتٸ.
«مەنٸڭ بٸلۋٸمشە, قازٸرگٸ تاڭدا ونداي كوميسسييا جوق. پرەزيدەنت تە, باسقا دا سوتتىڭ ٸسٸنە ارالاسپايدى. بٸراق ەندٸگٸ مەسەلەمٸز — قىلمىستىق زاڭنامانى بٸر ٸزگە سالۋ. ول تۋرالى پرەزيدەنت بىلتىرعى جولداۋىندا ايتتى. قازٸر مەجٸلٸستە قولدانىستاعى قىلمىستىق-پروتسەسسۋالدىق كودەكس پەن قىلمىستىق اتقارۋ تۋرالى كودەكستٸ وڭتايلاندىرۋ جەنە ونى تۇراقتاندىرۋ تۋرالى زاڭ قارالىپ جاتىر», — دەدٸ ابزال قۇسپان.
