استانانىڭ قىلمىستىق ٸستەر جٶنٸندەگٸ سوت القاسى سوتتالعان قۋاندىق بيشٸمباەۆ پەن وسى ٸستەگٸ باسقا فيگۋرانتتاردىڭ اپەللياتسييالىق شاعىمىن قاراپ شىقتى, - دەپ حابارلايدى "ۇلت اقپارات". بۇل پروتسەسس سوتتالۋشىلاردىڭ قاتىسۋىنسىز ٶتتٸ.
"بيشٸمباەۆقا قاتىستى اپەللياتسييالىق شاعىم قاناعاتتاندىرىلمادى", - دەپ حابارلادى سوت القاسىنىڭ تٶرايىمى الما ەسٸموۆا.
اپەللياتسييالىق ٷكٸمدٸ شىعارعان سوڭ سوت تٶرايىمى شەشٸمٸن تٷسٸندٸرٸپ بەردٸ.
"سوت القاسى بارلىق دەلەلدەردٸ زەرتتەي وتىرىپ, بٸراۋىزدان سوتتالۋشىلاردىڭ بارلىعىنىڭ كٸنەسٸ بار دەگەن شەشٸمگە كەلدٸ. دەلەلدەر مەن بولجامداردى بارلىعى زاڭدى جەنە نەگٸزٸ بار. ولاردىڭ بارلىعى اپەللياتسييالىق ٷكٸمدە كٶرسەتٸلگەن. بارلىق ەپيزود بويىنشا, سونلاي-اق, بيشٸمباەۆتٸڭ الدىن الا كەلٸسٸمگە كەلٸپ, پارا العانى جايلى راستالدى. يسابەكتەن پارا العانى, شىنى زاۋىتىنان اقشا جىمقىردى دەگەن ايىپتار دا دەلەلدەندٸ", - دەدٸ القا سوتىنىڭ تٶرايىمى الما ەسٸموۆا.
بيىل 14 ناۋرىزدا قۋاندىق بيشٸمباەۆ 10 جىلعا سوتتالعان بولاتىن. "10 جىلعا باس بوستاندىعىنان جەنە ٶمٸر بويىنا مەملەكەتتٸك قىزمەتتەردە باسشى لاۋازىمدارىندا جۇمىس ٸستەۋ قۇقىعىنان ايىرىلسىن. جازاسىن ماكسيمالدى قاۋٸپسٸز مەكەمەدە ٶتەسٸن, سونداي-اق, مٷلكٸ تەركٸلەنسٸن", - دەپ وقىعان ەدٸ ٷكٸمدٸ سۋديا ەدٸلحان شايحيسلاموۆ.
ەسكە سالا كەتەيٸك, 2016 جىلدىڭ 30 جەلتوقسانىندا ۇلتتىق ەكونوميكا ەكس-مينيسترٸ قۋاندىق بيشٸمباەۆقا قاتىستى تەرگەۋ شارالارى جٷرٸپ جاتقانى بەلگٸلٸ بولعان ەدٸ. قر سٸم باسشىلىق قۇرامىمەن كەزدەسۋٸندە نۇرسۇلتان نازارباەۆ قۋاندىق بيشٸمباەۆتىڭ قىزمەتتەن بوساتىلعانىن مەلٸمدەگەن بولاتىن.
"بيشٸمباەۆ توپ بولىپ, الدىن الا كەلٸسٸم جاساۋ ارقىلى اسا ٸرٸ كٶلەمدە بٸرنەشە رەت پارا الىپ وتىرعان. زاڭسىز العان قاراجاتتى بيشٸمباەۆ ٶز قاجەتٸنە جاراتقان", - دەپ حابارلاعان ەدٸ انتيكوررۋپتسييا قىزمەتٸنٸڭ ٶكٸلدەرٸ.
