ەكس-مينيستر قۋاندىق بيشٸمباەۆ جازا مەرزٸمٸن ٶتەۋ ٷشٸن تٷركٸستان وبلىسىنداعى لەنگەر قالاسىنداعى تٷرمەگە جٸبەرۋدٸ ٶزٸ سۇراعان. اتالعان تٷرمەدە اۋىر جەنە اسا اۋىر قىلمىستار ٷشٸن سوتتالعاندار وتىرادى, دەپ حابارلايدى قازاقپارات تٸلشٸسٸ.
قر ٸٸم قىلمىستىق اتقارۋ جٷيەسٸ كوميتەتٸنٸڭ باسپاسٶز حاتشىسى عالىمجان حاسەنوۆتىڭ ايتۋىنشا, ەكس-مينيستر ٶتٸنٸش جازىپ, لەنگەر قالاسىنداعى تٷرمەگە جٸبەرۋدٸ سۇرادى. اتالعان مەسەلە قىلمىستىق اتقارۋ كودەكسٸنٸڭ 88-بابىندا كٶرسەتٸلگەن. وعان سەيكەس, سوتتالعان ازامات ەلەۋمەتتٸك پايدالى قارىم-قاتىناستى ۇستايمىن دەپ, ناقتى بٸر تٷرمەگە جٸبەرۋدٸ سۇراي الادى. ق.بيشٸمباەۆ تۋرا سونداي ٶتٸنٸش جازىپ, لەنگەر جاقتا تۋعان-تۋىستارىنىڭ تۇراتىنىن كٶرسەتكەن.
«وسىعان بايلانىستى سوتتالعان بيشٸمباەۆ 5 شٸلدەدەن باستاپ تٷركٸستان وبلىسى لەنگەر قالاسىنداعى يچ 167/9 مەكەمەسٸندە ٶز جازاسىن ٶتەپ جٷر. ول - قاتاڭ رەجيمدەگٸ كولونييا. شامامەن, 500 ادامعا ارنالعان. ونداي تٷرمەگە اۋىر جەنە اسا اۋىر قىلمىستار ٷشٸن العاش رەت سوتتالعانداردى جٸبەرەدٸ», - دەدٸ ع.حاسەنوۆ.
ونىڭ ايتۋىنشا, قازٸرگٸ كەزدە ول كولونييادا 400-دەن استام ادام وتىر.
«قۋاندىق بيشٸمباەۆقا ەشقانداي جەڭٸلدٸك جاسالمايدى. بٸر ورىندى كامەرا دا بولمايدى. ول بارلىق سوتتالعاندارمەن بٸرگە جاتادى», - دەپ اتاپ كٶرسەتتٸ كوميتەتتٸڭ باسپاسٶز حاتشىسى.
ايتا كەتەيٸك, ەكس-مينيستر قۋاندىق بيشٸمباەۆ ٸسٸ بويىنشا سوتتا 23 ادام جاۋاپ بەردٸ. ولار قىزىلوردا وبلىسىنداعى شىنى زاۋىتىنىڭ قۇرىلىسىنا ارنالعان 1 ملرد تەڭگەنٸ قولدى قىلعان. بيشٸمباەۆ بٸر ەمەس, بٸرنەشە رەت پارا الدى. سول ٷشٸن 10 جىلعا سوتتالدى.
