ەلٸمٸزدە بٸر ادامعا شاققاندا حالىقتىڭ تابىسى 59 مىڭ تەڭگەدەن اسپاي وتىر. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ ايتتى, دەپ حابارلايدى قازاقپارات.
«ەلەۋمەتتٸك تٶلەم جايىندا ايتىپ جاتىرمىن عوي. ونىڭ بەرٸ قاجەتتٸلٸك. بۇل كٶمەكتٸ مەملەكەت كٶرسەتۋ كەرەك, مٶلشەرٸ دە كٶپ جاعدايدا جەتكٸلٸكتٸ ەمەس شىعار. بٸراق, مۇنىڭ بەرٸ نەدەن تۋىندايدى? جالپى, حالىقتىڭ تابىسى كٶپ ەمەس, تٶمەن. مىسالى, بٸزدٸڭ ساراپتاماعا سەيكەس, بٸر ادامعا شاققاندا حالىقتىڭ تابىسى 59 مىڭ تەڭگەدەن اسپاي وتىر. ونىڭ بەرٸ ەڭ الدىمەن جالاقىدان شىعادى. سەبەبٸ جالاقى الىپ جٷرگەن ازاماتتاردىڭ ارقاسىندا ەلەۋمەتتٸك تٶلەمدەر بەرٸپ جاتىرمىز. كەزٸندە مارگارەت تەتچەر ايتقانداي, «مەملەكەتتٸك بيۋدجەت دەگەن تٷسٸنٸك جوق. ول سالىق تٶلەۋشٸلەردٸڭ اقشاسى». سوندىقتان جۇمىس ٸستەپ جٷرگەن ازاماتتاردى قولداۋىمىز كەرەك. بٸراق, بٸزدە ٶكٸنٸشكە قاراي رەسمي ستاتيستيكا بويىنشا ورتاشا جالاقى 200 مىڭ تەڭگەدەن اسپاي تۇر», - دەدٸ ول ورتالىق كوممۋنيكاتسييالار قىزمەتٸندە ونلاين رەجيمدە ٶتكەن حالىققا ەسەپ بەرۋ كەزدەسۋٸ بارىسىندا.
الايدا, مينيستردٸڭ ايتۋىنشا, جۇمىس ٸستەپ جٷرگەن ازاماتتاردىڭ 77 پايىزى 200 مىڭ تەڭگەدەن دە تٶمەن جالاقى الادى.
«ەر سالادا ەرتٷرلٸ. اۋىل شارۋاشىلىعىندا 105 مىڭ تەڭگەدەن اسپاي وتىر. ەر وبلىستا دا ەرتٷرلٸ. مىسالى, سولٷستٸك قازاقستان, جامبىل, تٷركٸستان وبلىستارىندا ورتاشا جالاقى 140-145 مىڭ تەڭگەدەن اسپايدى. سوندىقتان نە ٸستەۋ كەرەك, نە ٸستەلدٸ? بٸرٸنشٸدەن, 1 ملن 300 مىڭداي قىزمەتشٸ جۇمىس ٸستەيتٸن بيۋدجەتتٸك سالادا ماۋسىم ايىندا جالاقى ورتاشا ەسەپپەن 30 پايىزعا كٶتەرٸلدٸ. وسى جىلدىڭ باسىنان دەرٸگەرلەرگە, مۇعالٸمدەرگە, ەلەۋمەتتٸك, مەدەنيەت سالاسى قىزمەتكەرلەرٸنە 25-تەن 60 پايىزعا دەيٸن جالاقى ٶستٸ. ال جەكە سەكتوردا قالاي بولۋى كەرەك? جەكە سەكتوردا 5,5 ملن ادام جۇمىس ٸستەپ جاتىر. بۇل جەردە جالاقى مٶلشەرٸ جۇمىس بەرۋشٸنٸڭ قۇزىرىنا كٸرەدٸ», - دەدٸ مينيستر.
ونىڭ اتاپ ٶتۋٸنشە, ٶتكەن جىلى پرەزيدەنت ٷندەۋٸنەن كەيٸن جەكە سەكتورداعى 1,2 ملن ادامنىڭ جالاقىسى 32-33 پايىزعا كٶبەيتٸلگەن. بٸراق, بۇل دا بٷكٸل مەسەلەنٸ شەشٸپ وتىرعان جوق.
«جالاقى مٶلشەرٸن بەلگٸلەۋ جۇمىس بەرۋشٸنٸڭ قۇزىرىندا دەگەنٸمٸزبەن ەڭ تٶمەنگٸ جالاقى مەملەكەت تاراپىنان رەتتەلەدٸ. بىلتىردان بەرٸ بٸزدە ەڭ تٶمەنگٸ جالاقى 42 500 تەڭگەنٸ قۇرايدى. مۇنىڭ ٶزٸ دە از. سوندىقتان ونى كٶتەرۋ بٷگٸنگٸ كٷنٸ ٶتە ماڭىزدى. قازٸرگٸ داعدارىس كەزٸندە بۇل بيۋدجەت شىعىندارىن قاجەت ەتەدٸ, قيىنداۋ بولادى. الداعى جىلدارى بٸز ونى كەزەڭمەن ارتتىرامىز», - دەدٸ بٸرجان نۇرىمبەتوۆ.
