قازاقستاننىڭ بۇرىنعى دەنساۋلىق ساقتاۋ مينيسترٸ ەلجان بٸرتانوۆتىڭ ٷيقاماقتا بولۋ مەرزٸمٸ تاعى دا ۇزارتىلدى, دەپ حابارلايدى قازاقپارات.
«2021 جىلعى 14 قىركٷيەكتە نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى ەلجان بٸرتانوۆتى ٷيقاماققا الۋ مەرزٸمٸن قىلمىستىق ٸس ماتەريالدارىمەن تانىسۋ كەزەڭٸندە ساعات 08:00-دەن 19:00-گە دەيٸن تۇرعىن ٷيدەن شىعۋ قۇقىعىمەن 2021 جىلعى 14 قاراشاعا دەيٸن ۇزارتۋدى قاۋلى ەتتٸ», - دەلٸنگەن قالالىق سوت حابارلاماسىندا.
ايتا كەتسەك, نۇر-سۇلتان قالالىق سوتىنىڭ قىلمىستىق ٸستەر جٶنٸندەگٸ سوت القاسى ەلجان بٸرتانوۆتٸ ٷيقاماقتا ۇستاۋ بۇلتارتپاۋ شاراسىن بۇعان دەيٸندە كٷشٸندە قالدىرعان ەدٸ.
«باياندالعان دەرەكتەردٸڭ نەگٸزٸندە, قىلمىستىق ٸس جٷرگٸزۋ كودەكسٸنٸڭ 55, 56, 151, 152-باپتارىن باسشىلىققا الا وتىرىپ, سوت ەلجان امانتايۇلى بٸرتانوۆقا قاتىستى ٷيقاماق تٷرٸندەگٸ بۇلتارتپاۋ شاراسىنىڭ مەرزٸمٸن 2021 جىلعى 14 ماۋسىمنان باستاپ 14 شٸلدەنٸ قوسا العاندا ەسەپتەلەتٸن 9 ايعا دەيٸن ۇزارتۋ تۋرالى قاۋلى ەتتٸ. كٷدٸكتٸنٸڭ قورعاۋشىلارى مەن ادۆوكاتتارىنىڭ ٶتٸنٸشتەرٸ قاناعاتتاندىرۋسىز قالدىرىلسىن», - دەگەن بولاتىن تەرگەۋ سوتىنىڭ سۋدياسى اقمارال يساەۆا.
ەسكە سالساق, ٶتكەن جىلى بۇرىنعى دەنساۋلىق ساقتاۋ مينيسترٸ ەلجان بٸرتانوۆ قاماۋعا الىندى. وعان قاتىستى اسا ٸرٸ كٶلەمدە بيۋدجەت قاراجاتىن ىسىراپ ەتۋ فاكتٸسٸ بويىنشا قىلمىستىق ٸستٸ تەرگەلٸپ جاتىر.
