Qazaqstannyń burynǵy Densaýlyq saqtaý ministri Eljan Birtanovtyń úiqamaqta bolý merzimi taǵy da uzartyldy, dep habarlaidy QazAqparat.
«2021 jylǵy 14 qyrkúiekte Nur-Sultan qalasynyń mamandandyrylǵan aýdanaralyq tergeý soty Eljan Birtanovty úiqamaqqa alý merzimin qylmystyq is materialdarymen tanysý kezeńinde saǵat 08:00-den 19:00-ge deiin turǵyn úiden shyǵý quqyǵymen 2021 jylǵy 14 qarashaǵa deiin uzartýdy qaýly etti», - delingen qalalyq sot habarlamasynda.
Aita ketsek, Nur-Sultan qalalyq sotynyń qylmystyq ister jónindegi sot alqasy Eljan Birtanovti úiqamaqta ustaý bultartpaý sharasyn buǵan deiinde kúshinde qaldyrǵan edi.
«Baiandalǵan derekterdiń negizinde, Qylmystyq is júrgizý kodeksiniń 55, 56, 151, 152-baptaryn basshylyqqa ala otyryp, sot Eljan Amantaiuly Birtanovqa qatysty úiqamaq túrindegi bultartpaý sharasynyń merzimin 2021 jylǵy 14 maýsymnan bastap 14 shildeni qosa alǵanda esepteletin 9 aiǵa deiin uzartý týraly qaýly etti. Kúdiktiniń qorǵaýshylary men advokattarynyń ótinishteri qanaǵattandyrýsyz qaldyrylsyn», - degen bolatyn tergeý sotynyń sýdiasy Aqmaral Isaeva.
Eske salsaq, ótken jyly burynǵy Densaýlyq saqtaý ministri Eljan Birtanov qamaýǵa alyndy. Oǵan qatysty asa iri kólemde biýdjet qarajatyn ysyrap etý faktisi boiynsha qylmystyq isti tergelip jatyr.
