بۇرىنعى دەنساۋلىق ساقتاۋ مينيسترٸ ەلجان بٸرتانوۆ باق ٶكٸلدەرٸمەن زۋم ارقىلى بايلانىسقا شىعىپ, ٶزٸنە قارسى جاسالعان اقپاراتتىق شابۋىلدىڭ نەگٸزسٸز ەكەنٸن مەلٸم ەتتٸ, دەپ حابارلايدى Ulysmedia.kz.
ايتا كەتسەك كٷنٸ كەشە تەلەگرام-ارنالاردىڭ بٸرٸندە ەلجان بٸرتانوۆقا قاتىستى اقپارات تاراتىلعان بولاتىن. ونداعى مەلٸمەتتە وسىدان ەكٸ جىل بۇرىن ەلجان بٸرتانوۆ تارازدا جٷرگەن كەزٸندە كوروناۆيرۋس جۇقتىرعانى جازىلعان.
«بٸرتانوۆ سول كەزدە تارازداعى كەز كەلگەن ينفەكتسييالىق اۋرۋحانادا وقشاۋلانۋى كەرەك ەدٸ. الايدا شەنەۋنٸك زاڭ قايشىلىعىنا قاراماستان استاناعا جەتۋ ٷشٸن ساناۆياتسييا بورتىن پايدالانعان. نەگٸزٸ سانياۆياتسييا ۇشاعى ونكولوگييامەن اۋىرعان, قوس ٶكپەدەن پنەۆمونيياعا ۇشىراعان ەيەلدٸ الىپ كەتۋٸ كەرەك بولاتىن. الايدا پاتسيەنت استاناعا جەتە المادى. ونىڭ ورنىنا ۇشاقپەن مينيستر كەتتٸ. بٸرتانوۆ شىن مەنٸندە, اۋرۋ ەيەلدٸڭ جاعدايىن پايدالانىپ, فالسيفيكاتسيياعا باردى. بٸرتانوۆتىڭ بۇل تۇرعىدا مورالدىق قاعيداتتارى تۋرالى نە دەۋگە بولادى? ەيەل كەيٸن قايتىس بولدى. سوندا ەلگٸ ەيەلدٸڭ ٶمٸرٸنەن بٸرتانوۆتىكٸ ارتىق بولدى ما?» - دەپ اقپارات تاراتقان تەلەگرام-ارنا.
بۇل مەسەلەنٸڭ جالا ەكەنٸن ايتقان ەكس-مينيستر بٷگٸن باق ٶكٸلدەرٸمەن زۋم ارقىلى جٷزدەستٸ. ەلجان بٸرتانوۆ كەشەگٸ اقپارات شىنىندا دا جٷرەگٸنە باتقانىن ايتادى.
«ەرينە, ول تولىق ٶتٸرٸك. وسىعان بايلانىستى كەشە ٶز قورعاۋشىلارىممەن اقىلداسىپ, باس پروكۋراتۋراعا ارىز جٸبەردٸم. سەبەبٸ جالعان اقپارات تاراتۋ – زاڭبۇزۋشىلىق. تٸكەلەي ايتقاندا, قىلمىستىق كودەكستٸڭ 274-بابى بۇزىلىپ وتىر. پرەزيدەنت ەكٸمشٸلٸگٸنە دە شاعىم جٸبەردٸم. سەبەبٸ بۇرىن وسىنداي فاكتتار بويىنشا پوليتسيياعا ارىز جٸبەرگەنمٸن. بٸراق ەشقانداي شارا قابىلدانعان جوق. كەشە ەكٸ جارىمدا سوت باستالعاندا سۋديا ەلكەنوۆكە دە وسى مەسەلەنٸ ايتتىم. ٶيتكەنٸ مەنٸڭ ويىمشا, سوت تٶراعاسى وسىنداي اقپاراتقا بايلانىستى مٸندەتتٸ تٷردە ٶز شەشٸمٸن قابىلداۋى كەرەك ەدٸ», - دەيدٸ ەلجان بٸرتانوۆ.
ەكس-مينيستر سوت باستالعالى مۇنداي اقپاراتتىق شابۋىلعا بۇرىن دا ۇشىراعانىن ايتادى. سۋديا مۇنىڭ الدىندا تيٸستٸ شەشٸم قابىلداماعاننان كەيٸن بەلگٸسٸز ادامدار قورىقپاي, جالعان اقپاراتتى تاعى تاراتقان. ەكس-مينيستر سۋديانىڭ ٶزٸنە وسىلاي دەگەنٸن جەتكٸزدٸ.
«باس پروكۋراتۋراعا مەنٸڭ ٶتٸنٸشٸم تٸركەلدٸ. ارى قاراي قاجەتتٸ شارالار ەنگٸزٸلەدٸ دەپ سەنەمٸن. قالاي زەرتتەلەتٸنٸن بٸلمەيمٸن. ساناۆياتسييا بويىنشا ەشقانداي فاكت نەمەسە قىلمىس تٸركەلگەن جوق. كەشە سوتتا ونى بٸز تالقىلاعان جوقپىز. مەن تارازدان استاناعا باسقا ناۋقاسقا ارنالعان ۇشاقپەن ۇشتىم دەگەن ەشقانداي اقپارات بولعان جوق. ونداي فاكت جوق. بولسا مەن بۇرىننان-اق مٷمكٸن تٷرمەدە وتىرار ەدٸم. ەرينە, بۇل ٶتە كٷردەلٸ ەرٸ اۋىر ايىپ. ونداي ايىپتاۋ ٸس ماتەريالدارىندا تٸگٸلمەگەن», - دەدٸ ول.
ەلجان بٸرتانوۆ سوتتاعى كۋەگەرلەر «بٸرتانوۆتىڭ تارازدان نۇر-سۇلتانعا كەلۋٸ زاڭ اياسىندا بولعانىن ايتقانىن, ونداي قۇقىعى بارىنىڭ جەتكٸزگەنٸن» اتاپ ٶتتٸ.
«مۇنداعى نەگٸزگٸ ماقسات – بٸزدٸڭ قوعامدا بٸرتانوۆ جەنە ەبٸشەۆتٸڭ وبرازىن قىلمىسكەر, جەمقور رەتٸندە كٶرسەتۋ, حالىقتى سوعان سەندٸرۋ دەپ ويلايمىن. بٸراق مەن سوت اشىق بولسىن, بارلىق باق قاتىسسىن دەپ ٶتٸندٸم. وسىنداي ٶتٸرٸكتٸ كٸم تاراتتى?» - دەيدٸ ول.
ەلجان بٸرتانوۆ ٶزٸنە جاسالعان اقپاراتتىق شابۋىلدى سوت شەشٸمٸنە ەسەر ەتۋ امالى دەپ قاراستىرادى.
«بۇل - مەنٸڭ ويىم. بۇل مەسەلەنٸ قۇقىق قورعاۋ ورگاندارى قاراستىرۋى قاجەت. كٸم تاپسىرىس بەرۋٸ مٷمكٸن? بەرٸڭٸز بٸلەسٸزدەر, بۇل قىلمىستىق ٸستٸ باستاعان – قارجى مونيتورينگٸ اگەنتتٸگٸ. باسىنان باستاپ بۇل اگەنتتٸكتٸڭ تەرگەۋٸ كٶپ بۇزۋشىلىقپەن, زاڭسىزدىقپەن ٶتتٸ. ول بارلىقتارىڭىزعا مەلٸم. سەبەبٸ سوت تٶراعاسى ەلكەنوۆ تە, باسقا دا سوتتار بۇزۋشىلىقتاردى كٶرٸپ, تٷزەتۋ ٷشٸن ٶز شەشٸمدەرٸن بەرگەن. ٶكٸنٸشكە قاراي تٷزەتٸلگەن جوق. ەرينە, تەرگەۋ ورگانى بۇزۋشىلىقپەن ەكٸ جىل بويى تەرگەۋ جاساپ, ٸستٸ سوتقا تاپسىرعاننان كەيٸن ولار ەرينە, مەنٸڭ ويىمشا قورقىپ وتىر. ەرتەڭ شىندىق شىعىپ, سوت مەنٸ اقتاسا, ولارمەن نە بولادى? ولار قىزمەتتەن بەلكٸم, كەتەدٸ, قانداي دا باسقا ولارعا ايىپ قوسىلادى بەلكٸم, كٸم بٸلەدٸ. ولاردىڭ موتيۆٸ بار. ماعان دا دا ەرتٷرلٸ اقپارات جەتٸپ جاتىر. ٷيقاماقتا وتىرسام دا, جۇمىسقا شىعام. ەرٸپتەستەرٸممەن ارالاسام. وسىنداي فاكتتار بار دەپ ويلايمىن», - دەدٸ ول.
ەسكە سالا كەتسەك 2016 جىلى حورۆاتييانىڭ Ericsson Nikola Tesla بايلانىس وپەراتورى قازاقستان رەسپۋبليكاسىنىڭ دەنساۋلىق ساقتاۋ مينيسترلٸگٸمەن مەديتسينالىق اقپارات پورتالى تۋرالى كەلٸسٸمگە كەلگەن بولاتىن. كەلٸسٸم قۇنى 20 ميلليون ەۋرونى قۇرادى. «Ericsson» قازاقستانعا دەنساۋلىق ساقتاۋدىڭ اقپاراتتىق جٷيەسٸن ۇلتتىق دەڭگەيگە جەتكٸزۋگە كٶمەكتەسۋدٸ مٸندەتٸنە العان. تاپسىرمانى ورىنداۋ ٷشٸن بٸر جىل قاجەت بولدى, سونىمەن قاتار پايدالانۋشىلار ٷشٸن جەتكٸزۋشٸنٸڭ قوسىمشا ٷش جىلدىق قولداۋى قاجەت ەدٸ.
جوبا 2018 جىلى اياقتالىپ, ونى سول كەزدەگٸ قازاقستاننىڭ دەنساۋلىق ساقتاۋ مينيسترٸ ەلجان بٸرتانوۆ بەكٸتكەن. ول 2020 جىلدىڭ ماۋسىمىندا وتستاۆكاعا كەتتٸ. بٸراق سول جىلدىڭ سوڭىندا تسيفرلاندىرۋ قورىنان 445 مىڭ ەۋرو جىمقىردى دەگەن كٷدٸكپەن قاماۋعا الىندى.
