قر بٸلٸم جەنە عىلىم مينيسترلٸگٸ بٸرنەشە جوعارى وقۋ ورنىنىڭ بٸلٸم بەرۋ ليتسەنزيياسىنىڭ كٷشٸن توقتاتتى. بۇل شەشٸمگە بٸرقاتار جوعارى وقۋ ورنىن قايتا تەكسەرۋ بارىسىندا بٸلٸم تۋرالى زاڭناما نورمالارىنىڭ بۇزىلۋى نەگٸز بولدى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
«الماتى» ۋنيۆەرسيتەتٸ, «قاينار» اكادەميياسى, الماتى ەكونوميكا جەنە ستاتيستيكا اكادەميياسى, قازاق مەديتسينالىق ٷزدٸكسٸز بٸلٸم بەرۋ ۋنيۆەرسيتەتٸ, ا.قۋاتبەكوۆ اتىنداعى حالىقتار دوستىعى ۋنيۆەرسيتەتٸ جەنە «Silkway» حالىقارالىق ۋنيۆەرسيتەتٸن قايتا تەكسەرۋ قورىتىندىسى بويىنشا بٸلٸم بەرۋ سالاسىنداعى زاڭناما نورمالارىنىڭ بۇزىلۋى قايتا انىقتالدى.
وسىعان بايلانىستى قر بعم بٸلٸم جەنە عىلىم سالاسىنداعى ساپانى قامتاماسىز ەتۋ كوميتەتٸ «الماتى» ۋنيۆەرسيتەتٸ, الماتى ەكونوميكا جەنە ستاتيستيكا اكادەميياسى, قازاق مەديتسينالىق ٷزدٸكسٸز بٸلٸم بەرۋ ۋنيۆەرسيتەتٸ, ا.قۋاتبەكوۆ اتىنداعى حالىقتار دوستىعى ۋنيۆەرسيتەتٸ انىقتالعان بۇزۋشىلىقتار جويىلعانعا دەيٸن ليتسەنزيياسىنىڭ كٷشٸن توقتاتتى.
«قاينار» اكادەميياسى مەن «Silkway» حالىقارالىق ۋنيۆەرسيتەتٸنٸڭ ٸسٸ تەكسەرۋ قورىتىندىسىنا شاعىمدانۋىنا بايلانىستى سوتتا قارالۋدا. سوت پروتسەسٸ اياقتالعاننان كەيٸن تيٸستٸ شارالار قابىلدانادى.
سونىمەن قاتار م.ح. دۋلاتي اتىنداعى تاراز ٶڭٸرلٸك ۋنيۆەرسيتەتٸندە «قۇقىق» دايارلاۋ باعىتى بويىنشا (باكالاۆريات) ليتسەنزيياعا قوسىمشانىڭ قولدانىلۋى توقتاتىلدى.
وسى رەتتە تالاپكەرلەردٸ زاڭناماعا سەيكەس بٸلٸم بەرۋ قىزمەتٸن جٷرگٸزۋگە ليتسەنزييانىڭ قولدانىلۋى توقتاتىلعان جاعدايدا جوعارى وقۋ ورنى جاڭا 2020-2021 وقۋ جىلىنا قابىلداي المايتىندىعىنا نازار اۋدارۋلارىن سۇرايمىز.
