اقتٶبەدە بٸر جاسار سەبي اناسىنىڭ سالعىرتتىعىنان سوقىر بولىپ قالدى, دەپ حابارلايدى AstanaTV.
بالاسىنىڭ تاعدىرىنا بەي-جاي قاراعان 29 جاستاعى كەلٸنشەك انالىق قۇقىعىنان ايىرىلدى. ال, زاعيپ بٷلدٸرشٸن بٶبەكتەر ٷيٸنە بەرٸلگەن. ٷلكەن ٷش بالاسى كەمەلەتكە تولماعاندارعا ارنالعان بەيٸمدەۋ ورتالىعىندا تۇرىپ جاتىر.
پوليتسەيلەردٸڭ سٶزٸنشە, ٷنەمٸ سپيرتتٸ ٸشٸمدٸك ٸشۋدەن اۋزى بوسامايتىن اناسى بالا تەربيەسٸمەن اينالىسپاعان. "سەبيٸنٸڭ دەنساۋلىعىنا زاقىم كەلتٸردٸ" دەگەن كٷدٸككە ٸلٸنگەن ەيەلگە قاتىستى قىلمىستىق ٸس تە قوزعالعان. ماس كٷيٸندە بالانىڭ كٶزٸنە دەرٸ ەمەس, باسقا بٸر سۇيىقتىقتى قۇيىپ جٸبەرگەن بولۋى مٷمكٸن دەگەن بولجام جاسالىپتى. دەگەنمەن, ساراپتاما نەتيجەسٸ سەبيدٸڭ كٶزٸ اۋرۋدىڭ اسقىنۋى سالدارىنان كٶرمەي قالعانىن كٶرسەتكەن.
"بۇل دەرەككە قاتىستى ساراپتاما تاعايىندالدى. ساراپتاما نەتيجەسٸ بويىنشا بالانىڭ كٶزٸ كٶرمەۋٸنە ەيەلدٸڭ قاتىسى جوعى انىقتالدى. قازٸرگٸ تاڭدا قىلمىستىق ٸس توقتاتىلدى. قازٸر بٸر جاستاعى الەكساندر سەبيلەر ٷيٸنٸڭ قامقورلىعىندا", — دەدٸ وبلىستىق ٸٸد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
الايدا, كٶز جانارى ەندٸ ەمدەۋگە كەلمەيدٸ ەكەن. سوندىقتان مٷگەدەكتٸگٸن رەسٸمدەۋ ٷشٸن قۇجات دايىندالىپ جاتىر.
ەيەلدٸڭ 5 پەن 8 جاس ارالىعىنداعى ٷلكەن ٷش بالاسى قازٸر كەمەلەت جاسىنا تولماعاندارعا ارنالعان بەيٸمدەۋ ورتالىعىندا. ولارمەن پسيحولوگتار مەن لوگوپەدتتەر جۇمىس ٸستەۋدە. ەندٸ بٸر ايدا سوڭ بالالار ٷيٸنە جٸبەرٸلەدٸ.
