استاناداعى №1 قالالىق بالالار اۋرۋحاناسىندا ەم قابىلداعان بٸر جاسار بٷلدٸرشٸنگە تۋبەركۋلەز دياگنوزى قويىلدى. بالانىڭ اتا-اناسى ينفەكتسييانىڭ اۋرۋحانادا جۇمىس ٸستەگەن مەيٸرگەردەن جۇققانىن ايتىپ, وقيعاعا قاتىستى جاۋاپتىلاردى جاۋاپقا تارتۋدى تالاپ ەتٸپ وتىر, دەپ حابارلايدى ult.kz.
بالانىڭ ەكەسٸنٸڭ ايتۋىنشا, بيىل سەۋٸر ايىندا 1 جاس 1 ايلىق ۇلى اۋىر پنەۆمونييامەن اۋرۋحاناعا تٷسٸپ, بەس كٷن ەم قابىلداعان. جاعدايى جاقسارعان سوڭ دەرٸگەرلەر ونى ٷيٸنە شىعارعان.
ارادا بٸراز ۋاقىت ٶتكەندە وسى اۋرۋحانادا قىزمەت اتقارعان مەيٸرگەردٸڭ تۋبەركۋلەزگە شالدىققانى بەلگٸلٸ بولعان. وسىعان بايلانىستى مەديتسينا مەكەمەسٸ بۇرىن ەمدەلگەن بالالاردى قوسىمشا تەكسەرۋگە شاقىرعان.
تەكسەرۋ بارىسىندا بٷلدٸرشٸننٸڭ مانتۋ جەنە دياسكينتەست سىنامالارى وڭ نەتيجە كٶرسەتكەن. كەيٸن كومپيۋتەرلٸك توموگرافييادان ٶكپەسٸندە ٶزگەرٸس بايقالعان. العاشىندا دەرٸگەرلەر مۇنى بۇرىنعى پنەۆمونييانىڭ سالدارى بولۋى مٷمكٸن دەپ بولجاپ, ەكٸ اپتا بويى انتيبيوتيكپەن ەم جٷرگٸزگەن.
الايدا قايتا جاسالعان كت قورىتىندىسى بويىنشا بالاعا «سول جاق ٶكپەنٸڭ جوعارعى بٶلٸگٸنٸڭ بٸرٸنشٸلٸك تۋبەركۋلەزٸ» دياگنوزى قويىلعان. قازٸرگٸ تاڭدا ول تۋبەركۋلەزگە قارسى ديسپانسەرگە جاتقىزىلىپ, ارنايى ەم قابىلداماق.
بالانىڭ ەكەسٸ كوميسسييا باستاپقىدا مەديتسينالىق قورىتىندىنى بەرۋدەن باس تارتقانىن ايتادى. ونىڭ سٶزٸنشە, ماماندار «اناسى 12 جىل بۇرىن تۋبەركۋلەزبەن اۋىرعان, بالاعا ينفەكتسييا سودان جۇققان بولۋى مٷمكٸن» دەگەن بولجام ايتقان. تەك بۇل مەسەلە بۇقارالىق اقپارات قۇرالدارىندا جارييالاناتىنى ەسكەرتٸلگەننەن كەيٸن عانا وتباسىعا رەسمي قورىتىندى بەرٸلگەن.
قازٸر وتباسى زاڭگەرلەردٸڭ كٶمەگٸنە جٷگٸنٸپ, وقيعاعا قاتىستى قۇقىقتىق شارالاردى قولعا العان. ال استانا قالاسىنىڭ دەنساۋلىق ساقتاۋ باسقارماسى اتالعان جاعداي بويىنشا قىزمەتتٸك تەكسەرۋ باستالعانىن مەلٸمدەدٸ.
