فوتو: مەجٸلٸس باسپاسٶز قىزمەتٸنەن
جاسىرىن ەسٸرتكٸ زەرتحانالارىنداعى قىلمىستى اشۋ, قىلمىسكەرلەردٸ ۇستاۋ باعىتىنداعى جۇمىستار قۇقىق قورعاۋ ورگاندارى تاراپىنان جٷرگٸزٸلگەنٸمەن ولاردىڭ سانى ارتىپ بارادى. بۇل تۋرالى دەپۋتات تەمٸر قىرىقباەۆ مەجٸلٸس وتىرىسىندا ايتتى, دەپ حابارلايدى "ۇلت اقپارات".
ونىڭ سٶزٸنشە 2023 جىلى 3,6 توننادان اسا ەسٸرتكٸ جەنە پسيحوتروپتىق زاتتار, 21,5 توننادان استام كٶكنەر سابانىنىڭ شيكٸزاتى جەنە 75 تونناعا جۋىق سينتەتيكالىق ەسٸرتكٸنٸ جاساۋعا پايدالانىلاتىن حيمييالىق رەاگەنتتەر الىنعان.
سونداي-اق, 34 حالىقارالىق جەنە 32 ٶڭٸرلٸك ەسٸرتكٸ جەتكٸزۋ كانال جويىلىپتى. تەك رەسمي ستاتيستيكا بويىنشا سوڭعى 3 جىلدا سينتەتيكالىق ەسٸرتكٸنٸ تەركٸلەۋ كٶلەمٸ 100 كيلوگرامنان 1 تونناعا دەيٸن ٶسكەن.
اتاپ ايتقاندا, قۇقىق قورعاۋ ورگاندارىمەن 2021 جىلى – 17, 2022 جىلى – 68, 2023 جىلى – 81 ەسٸرتكٸ زەرتحاناسى جويىلعان.
ياعني, 2021 جىلى تەركٸلەۋ كٶلەمٸ 100 كيلوگرامم بولسا, 2023 جىلى 1 تونناعا دەيٸن جەتكەن.
"ٶكٸنٸشكە وراي, زاڭسىز ەسٸرتكٸ بيزنەسٸ ەلدٸ ناشاقور ەتۋ سىرتىندا, جاستاردى قىلمىس ەلەمٸنە جۇمىلدىرىپ جاتىر. جاستار مەن وقۋشىلار وتىراتىن تانىمال ونلاين پلاتفورمالاردا, مەسسەندجەرلەردە ولارعا ەسٸرتكٸ ساتۋشىلار شىعىپ, «تەز تابىس تابۋدى» ۇسىنۋدا. وسى قارقىنمەن ەسٸرتكٸ بيزنەسٸ كەتە بەرسە, بولاشاق جاستارىمىزدى ناشاقور ەتٸپ, ٶلتٸرٸپ تىناتىن تٷرٸ بار. ٶز كەزەگٸندە ەسٸرتكٸ بيزنەسٸ ۇلت بولاشاعىنا بالتا شابادى. بٸر تٷركٸستان وبلىسىنىڭ ٶزٸندە 2024 جىلدىڭ 6 ايىندا ەسٸرتكٸنٸڭ زاڭسىز اينالىمىنا قاتىستى 423 دەرەك تٸركەلدٸ. ونىڭ ٸشٸندە, 201-نە قىلمىستىق ٸس تٸركەلسە, 222 جاعدايدا ايىپپۇل سالىنعان. زاڭسىز اينالىمنان 200 كيلوگرامم ەسٸرتكٸ تەركٸلەنگەن. سونىمەن قاتار, سينتەتيكالىق ەسٸرتكٸ تاراتۋى مٷمكٸن 91 اقپاراتتىق سايت بۇعاتتالعان. ەڭ ٶكٸنٸشتٸسٸ, ەسسٸز زاتقا قۇمار ادامداردىڭ كٶبٸ – جاستار. ەكسترازين, مەتامفەتامين جاستار اراسىندا كەڭ تاراعان پسيحوتروپتىق زاتتاردىڭ تٷرٸ", -دەيدٸ دەپۋتات.
تەمٸر قىرىقباەۆ باسقا وبلىستاردى قوسقاندا جاعداي تٸپتەن كٷردەلٸ ەكەنٸن جەتكٸزدٸ.
مەجٸلٸسمەن ٶزٸ كٶرسەتكەن دەرەكتەردٸ ەسكەرە وتىرىپ, ٷكٸمەتكە ەسٸرتكٸگە قارسى ٸس-قيمىل جٷرگٸزۋ ٷشٸن مەكتەپتەر مەن كوللەدجدەردە جەنە جوعارعى وقۋ ورىندارىنداعى وقۋشىلار مەن ستۋدەنتتەر اراسىندا ەسٸرتكٸنٸ تاراتۋدىڭ جەڭٸل اقشاعا ۇمتىلۋدىڭ سالدارىن بولدىرماۋ ماقساتىندا اتا-انالار, وقۋشىلار مەن ستۋدەنتتەرگە تٷسٸندٸرۋ جۇمىستارىن كٷشەيتۋ, سونداي-اق, سينتەتيكالىق ەسٸرتكٸنٸ ساتۋعا قاتىستى سايتتارداعى جارنامالاۋ فاكتٸلەرٸنٸڭ جولىن كەسۋ جٶنٸندەگٸ جۇمىستى كٷشەيتٸپ, جارنامالاۋشىلارعا زاڭ اياسىندا قاتاڭ جازا قولدانۋ قاجەت دەپ سانايتىنىن ايتتى.
