قىزىلوردالىق پوليتسەي دارحان ەبدٸكەرٸموۆ بىلتىر كٶپ قاباتتى ٷيدە بولعان ٶرتتە بٸر وتباسىنىڭ ٶمٸرٸن ساقتاپ قالدى, دەپ حابارلايدى قازاقپارات.
بٷگٸندە قر ٸشكٸ ٸستەر مينيسترلٸگٸ كٶلٸكتەگٸ پوليتسييا دەپارتامەنتٸنٸڭ قىزىلوردا ستانتسيياسىنداعى جەلٸلٸك پوليتسييا بٶلٸمٸندە قىزمەت اتقاراتىن قىراعى پوليتسەي سىن سەتتە سىر بەرگەن جوق. قىزىل جالىن قۇشاعىنا ورانعان پەتەر ٸشٸنەن وتباسى مٷشەلەرٸن سىرتقا الىپ شىقتى. وقيعا بىلتىر 16 قازاندا بولعان.
«بۇل سەتتە مەن سەكٸلدٸ جٸگٸتتەردٸڭ بارلىعى دا سولاي ەرەكەت ەتەر ەدٸ دەپ ويلايمىن. ونى ەرلٸك دەپ ساناعان ەمەسپٸن. وبلىس ورتالىعىنداعى ٶزٸم تۇراتىن كٶپ قاباتتى ٷيدٸڭ ەكٸنشٸ قاباتىنداعى پەتەردەن جانۇشىرا كٶمەك سۇراعان ەيەلدٸڭ داۋىسىن ەستٸگەندە بٸردەن-اق وقيعا ورنىنا جەتتٸم. قىزىل جالىن بٸراز جەردٸ شارپىپ ٷلگەرگەن ەكەن. ويلانىپ تۇراتىن ۋاقىت جوق. پەتەردٸڭ ٸشٸنەن كٸرٸپ كەتتٸم. الدىمەن بٸر جاسار سەبيدٸ سىرتقا شىعارىپ ٷلگەردٸم. سول قاربالاس سەتتە جٷرٸپ بايقاعانىم, تٸلسٸز جاۋ جۋىناتىن بٶلمەدەن شىققان ەكەن. العاشقى سەتتە ٷيدەگٸ ٷلكەندەر ونى ٶز كٷشٸمەن سٶندٸرۋگە تىرىسقان. دەگەنمەن ول بارلىق بٶلمەگە تاراپ كەتكەن», - دەدٸ دارحان بٸزبەن ەڭگٸمەسٸندە.
مۇنداي سەتتە ٶرتپەن ارپالىسقان ادام جىلدام شەشٸم قابىلداۋى تيٸس. دارحان قىزىل جالىندى اۋىزدىقتاۋ ماقساتىندا پەتەر ٸشٸندەگٸ ەلەكتر جەلٸسٸن اجىراتۋعا تىرىستى. ودان كەيٸن تەز جاناتىن جەنە جارىلۋ قاۋپٸ زور دٷنيەلەردٸ ٶرت ٸشٸنەن سىرتقا شىعارىپ ٷلگەردٸ.
«ٶرتتٸ سٶندٸرۋ ماقساتىندا كٶرشٸلەردٸڭ بارلىعى اتسالىستى. بۇل قاۋٸپ-قاتەرگە تولى سەتتەر بولاتىن. سول بٸر ۋاقىتتا بارلىعىمىز بٸر كٸسٸدەي جۇمىلىپ, بٸر وتباسىنىڭ اماندىعىنا سەبەپشٸ بولدىق», - دەيدٸ ول.
دارحان ەبدٸكەرٸموۆ سىردارييا اۋدانىنا قاراستى س. سەيفۋللين اۋىلىندا دٷنيەگە كەلگەن. اتا-اناسى ەسەنكەلدٸ مەن الماش پەرزەنتٸنٸڭ وسىنداي ەرەكشە قاسيەتتەرٸن ەردايىم كٶپشٸلٸككە ماقتان ەتەدٸ. ول ٶزٸ تۋىپ-ٶسكەن اۋىلداعى №137 قازاق ورتا مەكتەبٸندە بٸلٸم الدى. ودان كەيٸن قورقىت اتا اتىنداعى قىزىلوردا مەملەكەتتٸك ۋنيۆەرسيتەتٸنٸڭ قارجى جەنە نەسيە ماماندىعى بويىنشا بٸلٸم الدى. ال زاڭگەرلٸك ماماندىقتى شىمكەنت قالاسىنداعى جوعارى وقۋ ورنىندا سىرتتاي بٸتٸردٸ. ٶزٸنٸڭ ەڭبەك جولىندا 17 جىلدان استام ٸشكٸ ٸستەر سالاسىندا تاباندى ەڭبەك ەتٸپ كەلەدٸ. تەجٸريبەلٸ مامان بٷگٸندە قر ٸٸم كٶلٸكتەگٸ پوليتسييا دەپارتامەنتٸنٸڭ قىزىلوردا ستانساسىنداعى جەلٸلٸك پوليتسييا بٶلٸمٸندە ابىرويلى قىزمەت اتقارۋدا. ول جارى ماناتپەن بٸرگە وتباسىندا ەكٸ ۇل, بٸر قىز تەربيەلەپ وتىر.
تەجٸريبەلٸ تەرتٸپ ساقشىسى دارحان ەسەنكەلدٸۇلى قر ٸٸم-نٸڭ جەنە كٶلٸكتەگٸ پوليتسييا دەپارتامەنتٸ باسشىلىعىنىڭ «العىس حاتىمەن» بٸرنەشە مەرتە جەنە ارنايى تٶسبەلگٸسٸمەن ماراپاتتالعان.
