29 قىركٷيەكتە قازاقستاندا 2252 ادامنىڭ اناليزٸنەن كوروناۆيرۋس انىقتالدى. بۇل الدىڭعى كٷنمەن سالىستىرعاندا 327 ادامعا كٶپ.
ٶتكەن تەۋلٸكتە ەڭ كٶپ ناۋقاس الماتى قالاسىندا (510) تٸركەلگەن. نۇر-سۇلتاندا دا (249) كوروناۆيرۋستىڭ كٷندٸك كٶرسەتكٸشٸ 200-دەن اسقان. الماتى وبلىسىندا 212 ادامنىڭ پتر تەستٸ وڭ كٶرسەتكەن. قالعان وبلىستار مەن قالالاردا 200-دەن از ناۋقاس انىقتالعان.
دەنساۋلىق ساقتاۋ مينيسترلٸگٸنٸڭ حابارلاۋىنشا, تامىزدان بەرٸ قازاقستاندا كوروناۆيرۋس جۇقتىرعاندار ازايىپ كەلەدٸ. كەيٸنگٸ كٷندەرٸ ورتاشا ەسەپپەن كٷنٸنە 2 مىڭ تٶڭٸرەگٸندە ناۋقاس تٸركەلٸپ جاتىر.
ٸندەت باستالعالى بەرٸ 884 مىڭ ادامنىڭ پتر تەستٸ وڭ شىققان. 11 178-ٸ قايتىس بولعان. 28 قىركٷيەكتە 47 ادام كٶز جۇمدى. كوروناۆيرۋس جۇقتىرعانى راستالعان 3123 ادامنىڭ ٶلٸمٸ وسى ٸندەتتەن قايتىس بولعانداردىڭ ستاتيستيكاسىنا كٸرمەي قالعان.
دەنساۋلىق ساقتاۋ مينيسترلٸگٸ بىلتىر تامىزدان بەرٸ ەسەپكە الا باستاعان كوروناۆيرۋس پنەۆمونيياسىنا شالدىققاندار 75,6 مىڭ ادامعا جەتتٸ. 4828-ٸ قايتىس بولعان. 27 قىركٷيەكتە كوروناۆيرۋس پنەۆمونيياسىنا شالدىققاندار اراسىندا 11 ادام ٶلٸمٸ تٸركەلدٸ.
30 قىركٷيەكتە اقمولا وبلىسى "قىزىل ايماقتان" شىعىپ, "سارىعا ٶتتٸ". وسىلايشا "قىزىل ايماقتا" قازٸر ەكٸ قالا مەن ەكٸ وبلىس قالدى: نۇر-سۇلتان مەن الماتى قالالارى, پاۆلودار جەنە قاراعاندى وبلىستارى. تٷركٸستان, جامبىل, ماڭعىستاۋ جەنە قىزىلوردا وبلىستارى "جاسىل ايماقتا". قالعانى "سارىدا" تۇر.
قازٸر 61 مىڭ ادام كوروناۆيرۋستان ەمدەلٸپ جاتىر. 10 مىڭى – اۋرۋحانادا. 805 ادامنىڭ جاعدايى اۋىر. 212 پاتسيەنت حەل ٷستٸندە جاتىر. 135 ادام جاساندى تىنىس اپپاراتىنا قوسىلعان.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, تامىزدىڭ سوڭىنان بەرٸ ناۋقاستاردىڭ ازايۋىنا بايلانىستى قازاقستاندا 57 كوۆيد ستاتسيونارى جابىلعان.
6,5 ملن ادام كوروناۆيرۋسقا قارسى ۆاكتسينانىڭ تولىق دوزاسىن العان. 1,1 ملن ادام ەكٸنشٸ دوزاسىن كٷتٸپ وتىر.
