29 qyrkúiekte Qazaqstanda 2252 adamnyń analizinen koronavirýs anyqtaldy. Bul aldyńǵy kúnmen salystyrǵanda 327 adamǵa kóp.
Ótken táýlikte eń kóp naýqas Almaty qalasynda (510) tirkelgen. Nur-Sultanda da (249) koronavirýstyń kúndik kórsetkishi 200-den asqan. Almaty oblysynda 212 adamnyń PTR testi oń kórsetken. Qalǵan oblystar men qalalarda 200-den az naýqas anyqtalǵan.
Densaýlyq saqtaý ministrliginiń habarlaýynsha, tamyzdan beri Qazaqstanda koronavirýs juqtyrǵandar azaiyp keledi. Keiingi kúnderi ortasha eseppen kúnine 2 myń tóńireginde naýqas tirkelip jatyr.
Indet bastalǵaly beri 884 myń adamnyń PTR testi oń shyqqan. 11 178-i qaitys bolǵan. 28 qyrkúiekte 47 adam kóz jumdy. Koronavirýs juqtyrǵany rastalǵan 3123 adamnyń ólimi osy indetten qaitys bolǵandardyń statistikasyna kirmei qalǵan.
Densaýlyq saqtaý ministrligi byltyr tamyzdan beri esepke ala bastaǵan koronavirýs pnevmoniiasyna shaldyqqandar 75,6 myń adamǵa jetti. 4828-i qaitys bolǵan. 27 qyrkúiekte koronavirýs pnevmoniiasyna shaldyqqandar arasynda 11 adam ólimi tirkeldi.
30 qyrkúiekte Aqmola oblysy "qyzyl aimaqtan" shyǵyp, "saryǵa ótti". Osylaisha "qyzyl aimaqta" qazir eki qala men eki oblys qaldy: Nur-Sultan men Almaty qalalary, Pavlodar jáne Qaraǵandy oblystary. Túrkistan, Jambyl, Mańǵystaý jáne Qyzylorda oblystary "jasyl aimaqta". Qalǵany "saryda" tur.
Qazir 61 myń adam koronavirýstan emdelip jatyr. 10 myńy – aýrýhanada. 805 adamnyń jaǵdaiy aýyr. 212 patsient hál ústinde jatyr. 135 adam jasandy tynys apparatyna qosylǵan.
Densaýlyq saqtaý ministrliginiń málimetinshe, tamyzdyń sońynan beri naýqastardyń azaiýyna bailanysty Qazaqstanda 57 kovid statsionary jabylǵan.
6,5 mln adam koronavirýsqa qarsy vaktsinanyń tolyq dozasyn alǵan. 1,1 mln adam ekinshi dozasyn kútip otyr.
