23 قىركٷيەكتە قازاقستاندا 2 537 ادامنىڭ اناليزٸنەن كوروناۆيرۋس انىقتالدى. بەيسەنبٸ كٷنٸ 3673 ادام كوروناۆيرۋستان جازىلعان. دەنساۋلىق ساقتاۋ مينيسترلٸگٸنٸڭ جۇماداعى تاڭەرتەڭگٸ حابارلاماسىندا وسىنداي مەلٸمەت ۇسىندى.
قازاقستاندا كوروناۆيرۋستىڭ بەتٸ قايتسا دا, بەيسەنبٸ كٷنٸ الماتى قالاسىندا (547), قاراعاندى وبلىسىندا (340), الماتى وبلىسىندا (270) جٷزدەگەن ناۋقاس تٸركەلگەن. پاۆلودار وبلىسىندا - 190, نۇر-سۇلتاندا – 181, اقتٶبە وبلىسىندا – 137, اقمولا وبلىسىندا – 128, شىمكەنتتە – 122, شىعىس قازاقستان وبلىسىندا – 118, قوستاناي وبلىسىندا – 104 ادامنىڭ پتر تەستٸ وڭ شىققان. قالعان وبلىستاردا ونداعان ناۋقاس انىقتالعان.
ٸندەت باستالعالى بەرٸ 872 مىڭ ادامنىڭ پتر تەستٸ وڭ شىققان. 10 953-ٸ قايتىس بولعان. 22 قىركٷيەكتە 40 ادام كٶز جۇمدى.
قازاقستاندا پنەۆمونييانىڭ كوروناۆيرۋسقا ۇقساس تٷرٸنە شالدىققاندار 2020 جىلدىڭ 1 تامىزىنان بەرٸ ەسەپكە الىنىپ كەلەدٸ. بىلتىر قازاقستاندا جازدا جيٸ كەزدەسپەيتٸن ٶكپەنٸڭ قابىنۋى ٶرشٸگەن كەزدە ددسۇ "ٶلٸم قاۋپٸ جوعارى قازاقستاندىق پنەۆمونييا" – دۇرىس انىقتالماعان Covid دەپ مەلٸمدەگەن.
2020 جىلدىڭ تامىزىنان بەرٸ ەلدە 74,8 مىڭ كوروناۆيرۋس پنەۆمونيياسىنا شالدىققان. 61 مىڭى جازىلعان. 4776 ادام قايتىس بولعان. 22 قىركٷيەكتە 7 ادام سودان كٶز جۇمعان. 212 ادامعا كوروناۆيرۋس پنەۆمونيياسى دياگنوزى قويىلعان.
قازٸر 65 مىڭ ادام كوروناۆيرۋستان ەمدەلٸپ جاتىر. 11 مىڭى ستاتسيوناردا جاتىر. 905 ادامنىڭ جاعدايى اۋىر, 241 ادامنىڭ جاعدايى تىم اۋىر. 106 ناۋقاس جاساندى تىنىس اپپاراتىنا قوسىلعان. اۋرۋحانالارداعى ورىنداردىڭ 33 پايىزى بوس ەمەس.
كوروناۆيرۋسقا قارسى ۆاكتسينانىڭ تولىق دوزاسىن العاندار 6,3 ملن ادامعا جەتتٸ. 1,1 ملن ادام ەكٸنشٸ دوزاسىن كٷتٸپ جٷر.
ٸندەت باستالعالى بەرٸ ەلەمدە كوروناۆيرۋس جۇقتىرعاندار 230 ملن ادامعا جەتتٸ. 4,7 ملن ادام قايتىس بولدى.
