پولشا مەن ۋكراينا شەكاراسىنان ٶتٸپ بارا جاتقان ادامدار. كٶرنەكٸ سۋرەت.
پولشا شەكارا قىزمەتٸنٸڭ دەرەگٸنشە, 16 سەۋٸردە ۋكرايناعا 22 مىڭ ادام ورالعان. ال سول كٷنٸ ۋكراينادان 19200 ادام پولشاعا ٶتكەن. ياعني, سوعىس باستالعان 24 اقپاننان بەرٸ ۋكراينا اۋماعىنان شىققاندار سانىنان ورالعاندار سانى العاش رەت اسىپ وتىر. بۇل تۋرالى ۆۆس حابارلادى, دەپ جازادى ازاتتىق.
ۋكرايناعا ورالعانداردىڭ كٶبٸ تۋىستارىمەن جٷزدەسۋ ٷشٸن بٸرنەشە كٷنگە عانا كەلگەن, ولار شەكارا ماڭىنان الىسقا ۇزاماعاندى جٶن كٶرەدٸ. الايدا ەلدە قالۋ ٷشٸن ورالىپ جاتقاندار دا بار. ٶتكەن اپتادا كيەۆ مەرٸ ۆيتاليي كليچكو رەسەي ارميياسى باسقىنشىلىق شابۋىلىن جالعاستىرىپ جاتقاندىقتان, مەكەن-جايىن تاستاپ كەتۋگە مەجبٷر بولعان ۋكراين ازاماتتارىنا ٷيگە ورالۋ ەلٸ دە قاۋٸپتٸ ەكەنٸن ەسكەرتكەن.
بۇۇ دەرەگٸنشە, رەسەي سوعىس اشقالى بەرٸ ۋكراينانىڭ 4,8 ملن-عا جۋىق ازاماتى ەلدەن كەتۋگە مەجبٷر بولعان. سودان بەرٸ 650 مىڭنان استام ادام ۋكرايناعا ورالعان.
7 ملن-نان استام ادام ٷي-جايىن تاستاپ, ەلدٸڭ شەكارا ايماعىنا قونىس اۋدارۋعا مەجبٷر بولعان.
