27 قىركٷيەكتە قازاقستاندا 1719 ادامنىڭ پتر تەستٸ وڭ شىقتى. بۇل الدىڭعى كٷنمەن سالىستىرعان 159 ادامعا از. دەنساۋلىق ساقتاۋ مينيسترلٸگٸنٸڭ 28 قىركٷيەك كٷنگٸ حابارلاماسىندا وسىنداي مەلٸمەت كٶرسەتٸلگەن.
ۆەدومستۆو باسشىسى الەكسەي تسوي سەيسەنبٸلٸك بريفينگ كەزٸندە كەيٸنگٸ ەكٸ اپتادا ەلدە اۋرۋ ٶسٸمٸ 36 پايىزعا ازايدى دەپ مەلٸمدەدٸ.
قازٸر ٷش وبلىس پەن ەكٸ قالا كوروناۆيرۋستىڭ تاراۋى بويىنشا "قىزىل ايماقتا" تۇر: نۇر-سۇلتان مەن الماتى قالالارى, پاۆلودار, اقمولا جەنە قاراعاندى وبلىستارى. تٷركٸستان, جامبىل, ماڭعىستاۋ جەنە قىزىلوردا وبلىستارى "جاسىل ايماقتا". قالعانى "سارىدا" تۇر.
كوروناۆيرۋستىڭ كٷندٸك كٶرسەتكٸشٸ بويىنشا الماتى قالاسى (413) بٸرٸنشٸ ورىندا تۇر. دٷيسەنبٸ كٷنٸ ەڭ تٶمەن كٶرسەتكٸش ماڭعىستاۋ (10) وبلىسىندا تٸركەلگەن.
ٸندەت باستالعالى بەرٸ 880 مىڭ ادامنىڭ پتر تەستٸ وڭ شىققان. 11 100-ٸ قايتىس بولعان. 26 قىركٷيەكتە 35 ادام قايتىس بولدى. كوروناۆيرۋس جۇقتىرعانى راستالعان 3123 ادامنىڭ ٶلٸمٸ وسى ٸندەتتەن قايتىس بولعانداردىڭ ستاتيستيكاسىنا كٸرمەي قالعان.
دەنساۋلىق ساقتاۋ مينيسترلٸگٸ بىلتىر تامىزدان بەرٸ ەسەپكە الا باستاعان كوروناۆيرۋس پنەۆمونيياسىنا شالدىققاندار 75 مىڭ ادامعا جەتتٸ. 4807-ٸ قايتىس بولعان. 26 قىركٷيەكتە كوروناۆيرۋس پنەۆمونيياسىنا شالدىققاندار اراسىندا 7 ادام ٶلٸمٸ تٸركەلدٸ.
قازٸر 62 مىڭ ادام كوروناۆيرۋستان ەمدەلٸپ جاتىر. 10 مىڭى – اۋرۋحانادا. 868 ادامنىڭ جاعدايى اۋىر. 218 پاتسيەنت حەل ٷستٸندە جاتىر. 139 ادام جاساندى تىنىس اپپاراتىنا قوسىلعان.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, تامىزدىڭ سوڭىنان بەرٸ ناۋقاستاردىڭ ازايۋىنا بايلانىستى قازاقستاندا 57 كوۆيد ستاتسيونارى جابىلعان.
6,4 ملن ادام كوروناۆيرۋسقا قارسى ۆاكتسينانىڭ تولىق دوزاسىن العان. 1,1 ملن ادام ەكٸنشٸ دوزاسىن كٷتٸپ وتىر.
