27 qyrkúiekte Qazaqstanda 1719 adamnyń PTR testi oń shyqty. Bul aldyńǵy kúnmen salystyrǵan 159 adamǵa az. Densaýlyq saqtaý ministrliginiń 28 qyrkúiek kúngi habarlamasynda osyndai málimet kórsetilgen.
Vedomstvo basshysy Aleksei Tsoi seisenbilik brifing kezinde keiingi eki aptada elde aýrý ósimi 36 paiyzǵa azaidy dep málimdedi.
Qazir úsh oblys pen eki qala koronavirýstyń taraýy boiynsha "qyzyl aimaqta" tur: Nur-Sultan men Almaty qalalary, Pavlodar, Aqmola jáne Qaraǵandy oblystary. Túrkistan, Jambyl, Mańǵystaý jáne Qyzylorda oblystary "jasyl aimaqta". Qalǵany "saryda" tur.
Koronavirýstyń kúndik kórsetkishi boiynsha Almaty qalasy (413) birinshi orynda tur. Dúisenbi kúni eń tómen kórsetkish Mańǵystaý (10) oblysynda tirkelgen.
Indet bastalǵaly beri 880 myń adamnyń PTR testi oń shyqqan. 11 100-i qaitys bolǵan. 26 qyrkúiekte 35 adam qaitys boldy. Koronavirýs juqtyrǵany rastalǵan 3123 adamnyń ólimi osy indetten qaitys bolǵandardyń statistikasyna kirmei qalǵan.
Densaýlyq saqtaý ministrligi byltyr tamyzdan beri esepke ala bastaǵan koronavirýs pnevmoniiasyna shaldyqqandar 75 myń adamǵa jetti. 4807-i qaitys bolǵan. 26 qyrkúiekte koronavirýs pnevmoniiasyna shaldyqqandar arasynda 7 adam ólimi tirkeldi.
Qazir 62 myń adam koronavirýstan emdelip jatyr. 10 myńy – aýrýhanada. 868 adamnyń jaǵdaiy aýyr. 218 patsient hál ústinde jatyr. 139 adam jasandy tynys apparatyna qosylǵan.
Densaýlyq saqtaý ministrliginiń málimetinshe, tamyzdyń sońynan beri naýqastardyń azaiýyna bailanysty Qazaqstanda 57 kovid statsionary jabylǵan.
6,4 mln adam koronavirýsqa qarsy vaktsinanyń tolyq dozasyn alǵan. 1,1 mln adam ekinshi dozasyn kútip otyr.
