بيولوگييالىق قاۋٸپسٸزدٸك سالاسىندا قاتەرلٸ ميكروورگانيزمدەرمەن تٸكەلەي جۇمىس ٸستەيتٸن ماماندار دايىنداۋ ٷشٸن 400 گرانت بٶلٸنۋٸ مٷمكٸن. قر دەنساۋلىق ساقتاۋ ۆيتسە-مينيسترٸ – باس سانيتار دەرٸگەر ەرلان قيياسوۆ مەجٸلٸس دەپۋتاتتارىنا وسىنداي ۇسىنىس ايتتى, دەپ حابارلايدى قازاقپارات.
اتالمىش باستاما «قازاقستان رەسپۋبليكاسىنىڭ بيولوگييالىق قاۋٸپسٸزدٸگٸ تۋرالى» زاڭ جوباسىنىڭ اياسىندا كٶتەرٸلٸپ وتىر.
«بٸزدە ماماندار جوق ەمەس, بار. بٸراق تولىققاندى بيولوگييالىق قاۋٸپسٸزدٸكتٸ قامتاماسىز ەتۋگە جەتكٸلٸكسٸز. ۇسىنىلىپ وتىرعان زاڭ جوباسىندا وسى سالاعا جاڭا مامانداردى بارىنشا كٶبٸرەك تارتۋ كٶزدەلگەن. سانيتارلىق-ەپيدەميولوگييالىق بەيٸندەگٸ ماماندار دايىنداۋعا 400 گرانت بٶلۋ قاراستىرىلعان. ەرينە, ولاردى بۇل سالاعا مامانداندىرۋ ماماننىڭ وعان دەيٸن العان بازالىق بٸلٸمٸنە ساي جٷرگٸزٸلەدٸ. ٶيتكەنٸ بيولوگييالىق قاۋٸپسٸزدٸك سالاسىنىڭ مامانى ٶزٸ جاۋاپ بەرەتٸن سالانىڭ دا مامانى بولۋى كەرەك. ەگەر ۆەتەرينارييا سالاسىنداعى بيولوگييالىق قاۋٸپسٸزدٸك مامانى بولسا, ۆەتەرينارييا سالاسىنىڭ بازالىق بٸلٸمٸن مەڭگەرگەن بولۋى كەرەك. ٶسٸمدٸك شارۋاشىلىعى بولسا, وعان سەيكەس بازالىق بٸلٸمٸ بولۋ كەرەك دەگەن سيياقتى. بۇل جەردە بٸزدٸڭ ايتىپ وتىرعانىمىز – بيولوگييالىق تٸرٸ ورگانيزمدەرمەن جۇمىس ٸستەيتٸن مامانداردار. پاتوگەندەر دەپ بٶلٸپ ايتىپ وتىرعانىمىز سوندىقتان», - دەپ تٷسٸندٸردٸ باس سانيتار دەرٸگەر.
ۆيتسە-مينيستر زاڭ جوباسىنداعى بۇل ۇسىنىس قابىلدانسا, جوعارى وقۋ ورىندارىنىڭ قوعامدىق دەنساۋلىق ساقتاۋ فاكۋلتەتتەرٸندەگٸ وقىتۋ باعدارلاماسى ٶزگەرتٸلەتٸنٸن اتادى.
«ەلدەگٸ ساناۋلى جوعارى وقۋ ورنىندا قوعامدىق قاۋٸپسٸزدٸك فاكۋلتەتتەرٸ بار. 400 گرانت بٶلٸنسە, مامانداردى سول فاكۋلتەتتەر بازاسىندا وقىتامىز. ناقتى ايتساق, قازٸر ونداي فاكۋلتەتتەر قاراعاندى جەنە الماتى مەديتسينالىق ۋنيۆەرسيەتتەرٸندە بار. وسىنداي جوو-لار بازاسىندا سانيتارلىق-گيگيەنالىق بەيٸندەگٸ ماماندار دايارلاۋ جوسپارلانىپ وتىر. ول ٷشٸن بٸز وقىتۋ باعدارلاماسىن ٶزگەرتەمٸز. سونىڭ ارقاسىندا اتالمىش باعىتتاعى ساعاتتار سانى كٶبەيتٸلەدٸ», - دەدٸ ەرلان قيياسوۆ.
