فوتو: Zakon.kz
بٷگٸن ەلٸمٸزدٸڭ بارلىق مەكتەپتەرٸندە بٸر مەزگٸلدە «بٸلٸمٸم - وتانىما» بٸرىڭعاي سىنىپ ساعاتى ٶتتٸ. سىنىپ ساعاتىنىڭ اياسىندا مينيستر بارلىق مەكتەپ وقۋشىلارىن 2024-2025 وقۋ جىلىن تابىستى اياقتاۋلارىمەن قۇتتىقتادى, دەپ حابارلايدى Ult.kz.
بيىلعى وقۋ جىلى تولاعاي تابىستار مەن جارقىن جەتٸستٸكتەرگە تولى بولدى.
«مەملەكەت باسشىسىنىڭ باستاماسىمەن ەلٸمٸزدە بٸر جىل ٸشٸندە رەكوردتىق كٶرسەتكٸش - 257 جاڭا مەكتەپ اشىلدى. وقۋشىلارىمىز حالىقارالىق بٸلٸم دودالارىندا 362 مەدال يەلەنٸپ, ونىڭ 41-ٸ — التىن مەدال بولدى. ەل تاريحىندا العاش رەت كوللەدج ستۋدەنتتەرٸنەن قۇرالعان قازاقستاننىڭ ۇلتتىق قۇراماسى فرانتسييادا ٶتكەن 47-شٸ WorldSkills چەمپيوناتىندا زور تابىسقا جەتٸپ, 7 مەدالون يەلەندٸ. مۇنىڭ بارلىعى — وتاندىق بٸلٸم بەرۋ جٷيەسٸندەگٸ جٷيەلٸ رەفورمالار مەن قاجىرلى ەڭبەكتٸڭ ناقتى جەمٸسٸ», — دەپ اتاپ ٶتتٸ مينيستر.
ول پەداگوگتەردٸڭ جەتٸستٸكتەرٸنە جەكە توقتالدى. بيىل بٸلٸم بەرۋ سالاسىندا العاش رەت بٸردەن ەكٸ پەداگوگ — گٷلجانار نۇرپەيٸسوۆا مەن ەلمارا ترايسوۆا «قازاقستاننىڭ ەڭبەك ەرٸ» اتاعىنا يە بولدى.
«سٸزدەر – مەكتەپتٸڭ جٷرەگٸ, بٸلٸم مەن تەربيەنٸڭ التىن ارقاۋىسىزدار. اكادەمييالىق بٸلٸممەن قاتار, شەكٸرتتەرٸڭٸزگە ۇلتتىق قۇندىلىقتاردى دارىتىپ, ولاردىڭ سانالى ازامات بولىپ قالىپتاسۋىنا ٶلشەۋسٸز ٷلەس قوسىپ كەلەسٸزدەر. سٸزدەرگە ٶسكەلەڭ ۇرپاققا ساپالى بٸلٸم مەن ٶنەگەلٸ تەربيە بەرۋدەگٸ جاناشىرلىقتارىڭىز, ۇستازدىق ميسسيياعا دەگەن ادالدىقتارىڭىز ٷشٸن شىنايى ريزاشىلىعىمدى بٸلدٸرەمٸن», — دەدٸ عاني بەيسەمباەۆ.
ونىڭ ايتۋىنشا, وسى جىلداعى ماڭىزدى باستامالاردىڭ بٸرٸ بالالاردىڭ قۇقىقتارىن قورعاۋ جٷيەسٸنٸڭ نىعايا تٷسۋٸ. وسى ماقساتتا مەملەكەت بالالاردىڭ بٸلٸم, تەربيە الۋىنا, دامۋىنا جەنە ولاردى قورعاۋعا باعىتتالعان ٷش نەگٸزگٸ زاڭ قابىلدادى.
سونداي-اق مينيستر بارلىق اتا-انالارعا كٶرسەتكەن قولداۋلارى ٷشٸن العىس ايتىپ, 217 مىڭ مەكتەپ بٸتٸرۋشٸ مەن 173 مىڭ كوللەدج تٷلەگٸنە جارقىن بولاشاق تٸلەدٸ.
