Foto: Zakon.kz
Búgin elimizdiń barlyq mektepterinde bir mezgilde «Bilimim - Otanyma» biryńǵai synyp saǵaty ótti. Synyp saǵatynyń aiasynda ministr barlyq mektep oqýshylaryn 2024-2025 oqý jylyn tabysty aiaqtaýlarymen quttyqtady, dep habarlaidy Ult.kz.
Biylǵy oqý jyly tolaǵai tabystar men jarqyn jetistikterge toly boldy.
«Memleket basshysynyń bastamasymen elimizde bir jyl ishinde rekordtyq kórsetkish - 257 jańa mektep ashyldy. Oqýshylarymyz halyqaralyq bilim dodalarynda 362 medal ielenip, onyń 41-i — altyn medal boldy. El tarihynda alǵash ret kolledj stýdentterinen quralǵan Qazaqstannyń Ulttyq quramasy Frantsiiada ótken 47-shi WorldSkills chempionatynda zor tabysqa jetip, 7 medalon ielendi. Munyń barlyǵy — otandyq bilim berý júiesindegi júieli reformalar men qajyrly eńbektiń naqty jemisi», — dep atap ótti ministr.
Ol pedagogterdiń jetistikterine jeke toqtaldy. Biyl bilim berý salasynda alǵash ret birden eki pedagog — Gúljanar Nurpeiisova men Elmara Traisova «Qazaqstannyń Eńbek Eri» ataǵyna ie boldy.
«Sizder – mekteptiń júregi, bilim men tárbieniń altyn arqaýysyzdar. Akademiialyq bilimmen qatar, shákirtterińizge ulttyq qundylyqtardy darytyp, olardyń sanaly azamat bolyp qalyptasýyna ólsheýsiz úles qosyp kelesizder. Sizderge óskeleń urpaqqa sapaly bilim men ónegeli tárbie berýdegi janashyrlyqtaryńyz, ustazdyq missiiaǵa degen adaldyqtaryńyz úshin shynaiy rizashylyǵymdy bildiremin», — dedi Ǵani Beisembaev.
Onyń aitýynsha, osy jyldaǵy mańyzdy bastamalardyń biri balalardyń quqyqtaryn qorǵaý júiesiniń nyǵaia túsýi. Osy maqsatta memleket balalardyń bilim, tárbie alýyna, damýyna jáne olardy qorǵaýǵa baǵyttalǵan úsh negizgi zań qabyldady.
Sondai-aq ministr barlyq ata-analarǵa kórsetken qoldaýlary úshin alǵys aityp, 217 myń mektep bitirýshi men 173 myń kolledj túlegine jarqyn bolashaq tiledi.
